Rigmor sitt vesle verdenshjørne

Baby-sneakers

2011-08-12T21:03:00.004+02:00

Fann oppskrift på baby sneakers på http://www.etsy.com/

Desse hekla eg til guten til søskenbarnet mitt som fekk dei i kombinert fødsels/dåpsgåve. Sidan pappaen til dåpsbarnet heiar på BodøGlimt, syns eg dette vart ei passande gåve.

Desse er hekla i lerke, på nål nr 4. Eg brukte dobbel tråd, noko som gjorde dei litt større og stivare enn om eg brukte enkel tråd. Enkel tråd brukar eg til dei aller minste, som då blir mjukare å ha på foten.

Veldig kjekke å lage :)

Hjelp....

2011-08-12T21:00:00.002+02:00

Noko har skjedd slik at eg verken får kommentert min egen blogg eller andre sin....Nokon som veit kva som kan vere problemet? Data er kult så lenge ein heng med i svingane, men no fattar eg ingenting....

Uansett-takk til dokke som skriv kjekke kommentarar på blogginnlegga mine...eg får berre ikkje takka dokke der og då :)

Litt sommar 2011

2011-07-31T20:28:00.007+02:00

Det har igrunn vore ein rar sommar...foruten ei veke i månadsskiftet mai-juni (då vi var i Bulgaria), har familien Hoggen/Hansen kun hatt ei veke ferie ilag alle tre. Det er ikkje blitt dei store utfluktene denne sommaren, og vêret heime har vore mildt sagt tragisk. Skodde, skodde og skodde. Og regn...!

Den veka vi hadde ilag, var vi nokre dagar på hytta vår på Rotevassetra.

Ein som ikkje stussar på å bade i ei iskald fjell-elv...men faktisk var det sol og varmt denne eine dagen :)

mens fiskarmannen prøvde lykka (med minimalt hell som du ser...)

Og når papen reiste på jobb att, tok Nicholas og eg med oss mormor, onkel Jon-Martin og tante Runa til Atlanterhavsparken i Ålesund.

Skilpadder

Fôring av fiskane

"Hei, sikk (fisk)"

Vi såg også pingvinar, men sidan kameraet mitt fekk solstikk i syden, virkar ikkje zoomen...

Idag har vi vore på Erdalen Gard i Barstadvika

Her er lamaen Julianne

og ein ponni

Nicholas matar geitene med lauv

høner og moskusender

Grisar

...og det nest gjevaste av alt på garden (det aller gjevaste var sjølvsagt ein massey ferguson), Anda Donald Duck dukkar hovudet i badekaret (det gjer nemlig Nicholas også heime, så det syns han var kjempetøft )

Nicholas og mormor kosar seg med sveler!

17.mai 2011

2011-05-24T21:19:00.002+02:00

Nicholas og søskenbarnet Hanna

Mariell

Nicholas klar til barnetoget..."Hippojaaaa"

Nicholas og søskenbarnet/bestekompisen Sander

Kjekke kara`

Etter folketoget samla vi alle, både Hoggens og Hansens til grillmat og dessert heime hos oss.

Nicholas og Sander et gele ilag med mormor

Livets glade gutter :)

Nicholas og papsen

..og mamsen

Ein fin dag trass regn og ruskevær.

Meir prematurstrikk

2011-05-24T21:15:00.003+02:00

Her er mitt bidrag til prematuravdelinga i Ålesund, 2 par tubesokkar, to huer og eit teppe. Fristen var satt til 1.juni, så eg har stressa litt for å bli ferdig. No ser eg at det også er satt fristar til oktober og desember, så kanskje blir det meir...vi får sjå.

Prematurstrikk

2011-04-23T21:15:00.006+02:00

Tidlegare denne veka var det ein artikkel i lokalavisa om ei landsdekkande kampanje for å samle inn strikka huer, labbar og tepper til prematuravdelingane rundt omkring. Av erfaring veit eg at det er veldig små plagg det er snakk om her, og ikkje så lett å få tak i....Og sidan vi "budde" på prematuravdelinga ved Åse Sjukehus i Ålesund 4 veker sommaren 2009, følte eg at dette var noko eg hadde lyst å bidra til. Her er det eg har strikka hittil. Det var faktisk veldig kjekt å strikke dette, og det gjekk fort, sjølv på tynne pinnar. Så det er mulig det blir fleire bidrag herifrå.

Ribbhue og tubesokkar.

Har du lyst til å bidra? Her er oppskrift:

Ribbhue prematur

Legg opp 72 masker på pinnar 2,5 og fordel på 4 pinnar. Strikk ribb med 2 r og 2 vr, 30 omgongar. Deretter felling slik:

1. *2 r, 2 vr, 2 r, 2 vr saman* gjenta ut omgongen=63 masker

2.*2 r, 2 vr, 2 r, 1 vr*

3.*2 r, 2 vr, 1 r, 2 vr saman*gjenta ut omgongen=54 masker

4.*2 r, 2 vr, 1 r, 1 vr*

5.* 2 r, 2 vr, 2 vr saman* gjenta ut omgongen=45 masker

6.*2 r, 3 vr*

7.*2 r, 1 vr, 2 vr saman* gjenta ut omgongen=36 masker

8.*2 r, 2 vr*

9.*2 r saman, 2 vr saman* gjenta ut omg=18 masker

10.*1r, 1 vr*

11.*2 r saman*=9 masker

Klipp av tråden og trekk den gjennom dei resterande maskene. Stram til og fest trådane godt.

Tubesokkar prematur

Legg opp 31 masker på strømpepinnar 2,5. Strikk vrangbord (2 r, 2 vr) i ca 1,5 cm. Deretter skal du forskyve vrangborda 1 maske til venstre, slik: over 2 r, 2 vr strikkast det 1 vr, 2 r, 1 vr. *Strikk 3 omgongar med r over r og vr over vr* Så forskyv du mønsteret 1 maske til venstre igjen, og gjentek mellom *-*. Fortsett med å forskyve mønsteret slik til arbeidet måler ca 15 cm. No strikkast alle vrange masker 2 og 2 saman, strikk deretter 2 omgongar med r over r og vr over vr, og deretter alle maskene 2 og 2 saman. Klipp av tråden, trekk gjennom og fest godt.

Garn: babyull eller superwash-garn (ikkje alpakka pga loing)

Med våren våknar mykje rart til liv....

2011-04-13T21:03:00.006+02:00

-meg sjølv inkludert. Produksjonen har ikkje stått stille dei siste månadene, men lysta til å blogge har rett og slett ikkje vore der....Men som sagt, når våren kjem, får ein liksom ny energi... Bloggen måtte også få ein makeover som er våren verdig! Og her er noko av det eg har sysla med i mørke, kalde og sure kveldar:

Odessa-lue

(for mønster sjå http://torillk.sprayblogg.no/220506114300_odessa_lue.html )

foreløpig under utprøving....strikka i Tuva garn frå Euro-pris. Veldig spennande å prøve.

Sauen Shaun

(utan øyrer enn så lenge...men dei kjem!)

(om eg ikkje hadde nemnt det, hadde kanskje ikkje nokon lagt merke til dei ekstremt skitne vindua mine heller.....men sånn er det å ha ein nesten-toåring i hus, og breide vinduskarmar...)

Varm ulldress

(også uferdig...manglar knappar, og så skal eg strikke halsen bittelitt høgre. Og no når våren kom, blir den kanskje ikkje så mykje brukt før til hausten igjen. Men den ser ut til å vere rikelig stor, så det går nok bra).

Den er strikka i Smart, i falsk patent. Tjukk og god og deilig til å ha under f.eks regnkle.

Til sist vil eg ønskje alle ei kjempefin tid framover, våren er komen!!!!

Årets første skitur

2011-02-23T21:59:00.005+01:00

Idag var den første fri-onsdagen min sidan før jul. Eg har jobba 100% ei periode, men er no tilbake i 80% og det er GODT! Idag hadde eg og mamma planlagt ski-tur om det ikkje var altfor kaldt. Det har vore knall-forhold nokre dagar, men for kaldt til å ta ut med pulk. Slik såg det ut idag også, men temperaturen steig utover dagen, og vi bestemte oss for å prøve då kl var 14.
Nicholas er klar i pulken....første tur han kjem til å hugse...var ein stor gut som sat i pulken i dag, ikkje den babyen som sat der i fjor....

Flotte skiforhold innover mot Rotevassdalen. Men ifølge meldingane var dette siste dag for no. Godt vi fekk nyte den.

Mamma og Nicholas.

Hestehornet i bakgrunnen.

Lettare henslengt...kjekspause :)

Morsdag

2011-02-13T20:00:00.002+01:00

Gratulerer med dagen, alle flotte mammaer der ute!

Desse flotte rosene fekk eg litt på forskudd på fredag, med eit fint kort frå min kjære son.....(mistenker litt hjelp frå mormora og morfaren her, men koseleg var det likevel. )Papsen er på sjøen nemleg. Og stadig innom her for å sjå etter livsteikn frå oss heime. Og idag var han visst besøkande nr 3000 her inne, og krever dermed belønning....Skal vel finne på eitkvart, hihi.

Fortsatt god søndag til alle!

Bursdag og byatur

2011-02-05T08:27:00.002+01:00

På tirsdag var det tid for å fylle enda eit år....
Min kjære hadde kjøpt denne boka til meg...i tillegg til å diske opp med biff/tilbehør og elles god oppvartning.
På jobb fekk eg denne flotte krona, og gode dessertar, gratulasjonar og klemmar både frå store og små.

Nicholas hadde kjøpt dette fine armbandet til meg...veldig greit med noko som tåler bruk! Så kan eg gå med det heile tida utan å vere redd for at det skal bli øydelagt.

Ellers fekk eg mykje anna fint også, krystall-lysestake som høyrer ilag med to andre som eg fekk til jul, handdukar, gavekort m.m. Det er kjekt med bursdag :)

Igår var Nicholas, mamma og eg i Ålesund. Nicholas var til auge-lege pga sjeling, og det vart konstatert at han må ha briller. Dårlige gener frå mamsen antakeleg....men men. Eg ser på det som ein bagatell i forhold til mykje anna som kan feile desse gulla. Men det er klart; eg fekk sjølv briller når eg var på hans alder, og veit det kan være eit herk. Men vi får gjere det beste ut av det.

Det vart ein tur på Moa etterpå, og der shoppa eg litt til gromguten:

...og til huset....

"never run faster than your guardian angel can fly...."

Hus og fat i sink...skal sette lys på fatet også

Gromguten i ny Tigergutt-selebukse :)

Strikketøybag

2011-01-13T22:29:00.005+01:00

Denne herlege strikketøy-bagen har eg bestilt frå Vanella, ein butikk eg fann på www.epla.no

Eg syns det verka genialt med ei eiga strikketøyveske, og falt for det søte sauemønsteret! Det høyrer også til pinne-etui i same mønster :)

For øyeblikket er det koppe-tvåger (klutar) som er på pinnane....i litt ulikt mønster. Artig og funksjonelt!

Eg vil anbefale alle å ta ein tur innom www.epla.no Der er det butikkar med heimelaga ting av alt mellom himmel og jord. Verdt ein titt!

Ullbukse i ribbestrikk

2011-01-05T21:23:00.004+01:00

Ein ekstra kald vinter inspirerte meg til å strikke ei varm bukse til gullungen. Eg fekk oppskrifta med ein kollega, men strikka den på litt tynnare pinna enn i oppskrifta. Denne er strikka på p nr 4 (istaden for 5) i dobbel Dale baby ull. Eg trur denne blir god å ha i barnehagen og ellers også.

Framme...
...og bak :)

Blå siameser

2011-01-01T22:04:00.003+01:00

Denne strikka eg i julegåve til svigermor. Artig å prøve ut forskjellige fargar. Tidlegare har eg strikka katt i grønt, kvitt, grått og lilla. Fine på kvar sin måte (sjå tidlegare innlegg). Miao!!!

This blog is dedicated...

2010-12-31T21:38:00.005+01:00

...to the one we love...Jan Ove-vi skulle gjerne hatt deg heime i jula! Men sånn er det med turnusarbeid, og vi har jo for så vidt hatt ei fin jul likevel. Kjapt oppsummert skal du få ei helsing frå oss, med oppsummering av jul, romjul og nyttår!

Julafta feira vi hovudsakleg ilag med mormor, morfar, onkel Jon-Martin og tante Runa. Her er bilete frå då Nicholas fekk opne ei gåve på føremiddagen. Gleda var stor då han endeleg kunne seie seg stolt eigar av hengar til John Deere traktoren som han fekk for nokre månader sidan (første kommentar då han såg traktoren var eit skuffa "henga?")....Så vi var berre nødt å kjøpe i julegåve...Her er han i djup konsentrasjon ilag med onkel.

Onkel Ole, tante Hanne-Marit, Hanna, Mariell og Sander var ilag med oss under middagen, og mens Nissen kom på besøk. I pakken frå Nissen fekk Nicholas verktøysett med bl.a. hammar, sag, skrujern m.m. Så no kan han hjelpe papsen!

Her har Sander fått bok med Nissen, og onkel Ole ser gjerne i bok om store kjøretøy ilag med gutane :)

Her er storsjarmøren i dress....og med "tutten" på snei....
Første juledag, i ny onepiece og fremdeles i full sving med traktor og hengar.
...og så har Nicholas funne ut at den fine skjenken pappa nettopp har kjøpt, kan vere fin å leike i også!
Koseleg nyttårsfrokost på nyttårsafta....mamsen og Nicholas (og to av dei kjæraste leikene han fekk med nissen til jul....hammar og sag :)

Og kvalitetstid i vinduskarmen...."Issa" (Melissa) og Nicholas.

...og i finstasen hos mormor og morfar....i nye klede som han fikk i julegåve frå farmor og farfar.

...men så god å få på film er han ikkje....stadig på farten...

Alltid opptatt med noko.... Så...alt dette har du gått glipp av, pappa/vennen! Men det har også vore mykje du kan vær glad du har unngått.....Mamsen har fått prøvd seg som både rørlegger (med god hjelp frå svogera og svigerfar), elektrikar i stallen (utan hell forøvrig) og så bilmekanikar. No må du kome heim snart pappa, så mamma ikkje blir altfor handy... Godt nyttår pappa!!!! Vi saknar deg. Klem frå Nicholas! Og handymamsen :)

Førjuls-syslar

2010-12-15T21:07:00.005+01:00

Sist laurdag baka vi pepperkaker. Må innrømme at det var latmanns-deig vi brukte (ferdig kjøpt) men gode vart dei. Nicholas syns det var mest spennande å ete deig da....det ser vi her...

Men han syns det var gøy å kjevle og stikke ut figurar også.
Idag hadde dei nissefest i barnehagen. Nicholas har fri idag, men fekk kome på sjølve festen. Eigentleg hadde eg tenkt å kle han i ein strikka-bunad som mamma har laga, så kunne han vere fjøsnisse. Men så fann eg ut at det sikkert vart for varmt for han. Så vi kjøpte denne nissedrakta på Euro-pris igår. Det hadde visst gått bra på nissefesten då. Eg var litt spent på om nissen var like populær når han sto i døra, som dei nissane som berre er til pynt. Men det hadde visst gått bra :)

Snart jul :)

2010-12-14T22:54:00.003+01:00

Det går treigt med oppdateringa her inne...Eg har fleire handarbeidsprosjekt som skal kome etterkvart, men det har vore ei hektisk adventstid og null energi til blogging når kvelden er komen og eg har tid. Eg har også tenkt å legge ut litt bilder av dei flotte, nye stovene våre. Jan Ove har jobba som ein helt dei to siste friperiodene, med god hjelp frå far og brødre. Stovene er betre isolert, nye panelplater og tapet er komne på veggane, og no også splitter nytt golv! Skipsgolv, sjølvsagt. For ikkje å gløyme nye dører. Bilete kjem når det er heilt ferdig her, og pynta til jul. Vi gler oss til å bli heilt ferdige, for det er ikkje til å stikke under ein stol at det er travelt å bu oppi sånt rot....og lite vits å pynte så voldsomt til jul før alt er ferdig. Meeen no er vi snart i mål!

Farmors småbarnsvottar

2010-11-09T21:06:00.004+01:00

Her er oppskrift på dei vottane eg "kopierte" frå eit barn i barnehagen der eg jobbar. Eg har tilpassa den slik at den passar Nicholas, som er ein forholdsvis liten 1-åring. Om du vil prøve deg på vottane, kan du tilpasse antal omgongar o.l. slik at den passar ditt barn :) Lykke til!

Eg har brukt pinnar nr 2,5 og strikka med dobbel tråd i tynn alpakka.

Legg opp 32 masker på strømpepinnar 2,5. Strikk ca 20-25 omgangar vrangbord, 1r, 1 vr.

Eg strikka deretter 12 omgongar rettstrikk før eg sette av seks masker til tommel på ein tråd. Legg opp 6 nye masker og strikk vidare ca 15 omgongar før du feller for tuppen. Det gjorde eg slik: fell i begynnelse på 1. og 3. pinne ved å løfte første maske laust av, strikk den neste maska, og løft den lause maska over. På 2. og 4. pinne strikkar du dei to siste maskene rett sammen. Når det er 8 masker igjen, dra tråden gjennom og fest den.

Til tommel set du maskene som er på tråden over på to pinnar, og tek opp seks masker på motsatt side. Strikk ca 11 omgongar og fell av.

Det første paret eg strikka ser slik ut

Og her er par nr 2...

...sjølsagt med min personlege merkelapp....(Lille My var russenamnet mitt...)

På pinnane for øyeblikket....

2010-11-06T20:33:00.006+01:00

Eg har problem med å få små nok vottar til Nicholas....dvs eg har kjøpt gode regnvottar i str 1 år, men dei blir uansett for store og klumpete til at han greier å gjere noko når han har dei på ( i likhet med mange av barna eg ser i jobben min). Så eg fann ut at eg skulle strikke han vottar. Greit at dei blir fort våte, men ull blir ikkje så fort kald, og så får han jo heller ha x antal par å skifte mellom da....

Eg søkte på nettet etter oppskrifter, og kom over denne http://tostrup.net/blog/archives/625

Eg strikka dei med Dale Babyull, men med dobbel tråd. Om det var det som gjor at dei vart litt vèl store, eller om Nicholas berre har lita hand, så vart dei iallefall FOR store. Men eg syns dei vart kjempefine, så dei får heller leggast i forvaring nokre år.....Litt stolt av meg sjølv, for det er første gong eg strikkar slikt mønster. Det var kjekt å strikke desse! Kanskje strikkar eg eit nytt par med enkel tråd, og minskar masketalet litt og ser om det blir betre....men i mellomtida held eg på med eit par i deilig alpakkaull som ei farmor i barnehagen har prøvd seg fram til....Eit heldig barn på avdelinga mi, har ei farmor som prøvde seg fram for å strikke vottar i passeleg størrelse. Desse vottane låg i barnet si hylle ein dag, og eg syns dei var så mjuke og deilige, og så akkruat passe til min Nicholas....så eg gikk igang og telde masker og omgangar for å "kopiere" vottane. Same dag var det farmora som henta barnet, og eg måtte spørje kva garn ho hadde brukt, kva pinnar og om det stemte med masketalet eg hadde komt fram til.

Så no er eg i gang med desse
Eg prøver meg litt fram med oppskrifta, derfor ventar eg med å legge ut oppskrifta før eg er ferdig og fornøgd med størrelsen....då er det lettare å dele med andre :)

Målfrids grove kjeks

2010-11-06T20:13:00.003+01:00

Desse kjeksa vart laga av ein kollega av meg forrige veke. Oppskrifta er (imponerande nok) sjølvkomponert, og eg var så heldig å få vite "hemmeligheten", for desse vart virkelig gode!
Så no vil eg dele den med dokke :)

Målfrids Grove Kjeks

400 gram grovt kveitemjøl (sammalt kveite grov)
200 gram fint kveitemjøl

1,5 ts hornsalt

(blandast)

200 gram sukker

2,5 dl vatn

(kokast opp saman?

100 gram Flott matfett (smeltast i det varme vatnet, avkjøl før du tilset det i mjølblandinga)

La deiga kvile i kjøleskapet minst 1 t, evt over natta. Pakk den inn i plast.

Stikk ut kjeksa med td. glas eller figurformer, steik i ovnen på 200 grader midt i ovnen, til dei er gyllenbrune og sprø :)

Kjempegode med smør og ost på, eller slik dei er.

Her er mine kjeks:

Pixie-lue med hals

2010-10-28T21:04:00.005+02:00

Her er huene eg har strikka til Nicholas siste vekene. Oppskrifta har eg funne hos tante T, http://trikoter.blogspot.com/

Den første hua prøvde eg å strikke i noko restegarn eg hadde av Dale Falk. Sidan hua er strikka i dobbelt garn, vart den litt tjukk og stiv i dette garnet. Og stor i størrelsen. Denne hua er str 1 år. Og litt prega av at det er reste-strikk kva fargar angår...

Eg syns hua vart ganske kul, så eg fann ut at eg ville lage ei ny, i eit av garna som var anbefalt hos Tante T. Sidan ho syns pt Panda er det beste, var det dette eg ville bruke, men kjedelege fargar i garnbutikken, gjorde at eg valde Dale Babyull.

Og her er resultatet. Dette garnet er tynnare enn Dale Falk, derfor er denne hua i str 2 år faktisk litt mindre enn den forrige i str 1 år. På denne har eg dessutan hekla ein kant med fastmasker rundt ansiktet.

No held eg på med vottar i same fargar som denne siste hua. Syns dei var så herlege ilag. Ha ei fin helg folkens :)

Endeleg oppdatering...

2010-10-24T21:55:00.005+02:00

Beklager, men eg har vore i dvale sida i sommar når det gjeld blogging. Gjekk litt lei rett og slett...Kan ikkje love så ofte innslag no framover heller, men litt skal det bli.

Status hos oss er at alle fire har det bra....(her er katten inkludert altså). Jan Ove står framfor ei periode med oppussing av stova, og dette skal det sjølvsagt kome litt før og etter bilete av. Nicholas er begynt i barnehage, og storkosar seg der. Han står i senga si om morgonane og ropar "haga", og snakkar om "haga" både i søvne og våken tilstand. Guten er ein kvikkas både i sinn og i skinn, snill og blid men ei klatremus utan like og ei utfordring å kle på. Mange ord er på plass (om ikkje heilt reine), og han forstår meir og meir. Akkurat som ein 1 åring skal vere. Traktorar og alt med motordur er fremdeles lidenskapen. Mor sjølv er tilbake i jobb, om enn NY jobb. Same bransje, same tittel men ny barnehage og 20% redusert stilling. Trives kjempegodt!

Og Melissa Katt....jauda, ho har det bra ho også. Litt "forfulgt" i kvardagen av ein skrålande liten kar som berre vil vere god, men ho taklar det bra og han er blitt flinkare til å behandle ho forsiktig. Så her er alt berre bra.

Vinteren har komt til oss denne veka. Passaten fekk vinterdekk for tre veke sidan då eg og Nicholas var på tur over Strynefjellet ilag med familien min for å feire farfar sin 90 års dag på Lemonsjøen. Idag var det jeepen som skulle skoast, og Nicholas følgde nøye med.....(og fekk følgande kommentar frå papsen..."huska du ditte til neste år no då når du ska gjer d aleine?" Jaja...tidlig krøkast....

Litt handarbeid er det blitt sidan sist....Eg har strikka gråtassgenser til Sander i 2 års presang, og hue til. Genseren gløymde eg å ta bilde av før eg ga den frå meg, men her er hua:

Ellers har eg strikka to huer til Nicholas siste vekene. Den første vart strikka i restegarn, og derfor litt "rar" både i fargevalg og kvalitet...litt tjukk og stiv. (det er den Nicholas har på seg når han skiftar dekk...) Så eg strikka ei ny i "rett" garn og litt meir rolege fargar. Bilete kjem under "handarbeid" ein av nærmaste dagane.

Bryllaupsgåve

2010-07-11T18:16:00.002+02:00

Igår var det ei god veninne av meg som gifta seg, og i den anledning fann eg ut at eg skulle strikke ein Sia og ein Mesi til brudeparet...

Eg kom litt seint igang, og sat seine kveldar med siste finish, men syns dei vart ganske kule....

På den minste katten er forbokstavane til brudeparet, A og V fletta inn i kvarandre. Nederst på den store, står datoen med hekla snorer. Ei personleg gåve som eg håper fall i smak :) Det var iallefall eit kjekt bryllaup.

Matboks frå Blafre :)

2010-07-08T23:42:00.005+02:00

Eg har bestilt matboks frå Blafre Design som Nicholas skal bruke i barnehagen. Er den ikkje søt?
I ettermiddag fann eg ut at eg ville prøve sykkelvogna ein tur igjen. Nicholas hadde nettopp sove, og var litt usikker på om han eigentleg hadde lyst å bli med. Hovudgrunnen var nok den fæææle sykkelhjelmen han måtte ha på seg. Og det kan eg forstå, for den er altfor stor...den kan jo strammast inn slik at den sitt på, men sjå da!!!!! Må jo vere kjempetungt og ekkelt med noko som omtrent er større enn han sjølv (liiiitt overdreve, men det er nesten).Hinkel Pinkel som han fekk i bursdagsgåve, fekk også bli med, og når "tutten" kom i munnen, var vi klar :) Vi hadde ein veldig fin tur rundt Rotevatnet, såg både sauer og hestar, og eg sjølv fekk spekt meg litt. Takk for turen, lille venn!

Sommarminner

2010-07-06T15:57:00.005+02:00

Ein har alltid så store forventningar til sommaren. Då skal ein kose seg, sole seg, gå lettkledd, ete jordbær og is, rekke alt ein ikkje rekk over elles, og reise på ferie. Ofte blir det ikkje heilt slik...her på våre kantar er vi ikkje altfor bortskjemt med fint og varmt vêr, og sommaren går så mykje fortare enn ein har tenkt. Men kosa oss har vi gjort! Vi har fått sola oss bittelitt, gått litt lettkledd, ete jordbær og is, og vi har fått oss ein bitteliten ferietur :)

Det er mykje som skal klaffe før vi kjem oss på ferie. Jan Ove må vere heime (iallefall vis vi skal på familietur), og vi bøøør vel helst ikkje reise midt i slåtten. Sidan det er mine hestar vi lagar høy til, føler eg eit visst press på at eg bør vise litt engasjement.

(her er drengen i aksjon:)

Vi hadde tenkt oss ein tur til Lillehammer helga etter at vi feira svigerfar sin 70 års dag, for då skulle det vere Lillehammer-dagar, og litt som skjedde der. Eg var KJEMPEKLAR. Vi sat ein kveld den veka, og bestemte oss for overnatting og styr, og eg gledde meg enda meir. Så kjem morgonen etter og Jan Ove som seier: "Oj....ej he visst hengetur, ej". Hengetur har dei eit par gonger i året, og dvs at dei må vere parat til å reise ut 14 dagar av friperioden. ÅÅÅÅÅÅ så lei meg eg vart! Når dei to vekene var over, ville det vere to veker att å reise på. Den første i juli, når vi sannsynlegvis var midt i slåtten, og den siste i juli, veka før eg startar på jobb igjen. Var ikkje heeeeilt klar for å reise vekk då, følte eg. Så eg såg føre meg heile ferieturen gå i dass. Skal ikkje mykje til for at eg blir fornøgd, men eit par netter vekke for å lade batteria og sjå noko anna, gjer alltid godt.

Men så ordna det seg då-vi reiste riktig nok midt i slåtten, men det var med god samvittighet og velsignelse frå dei heime :) Det skulle ikkje bli så lett å finne overnatting heller når vi på impuls sat og ringde rundt kvelden før avreise. Alt var fullt nedover "dalane", iallefall hytter med do og dusj, og DET er eit must når ein har ein 1åring! Så det enda med ei leilighet i ein av desse OL-landsbyane på Hafjell/Øyer. Heilt ok. Vi reiste nedover onsdag forrige veke, og torsdag var vi på Hunderfossen. Knallvêr og kjempekjekt. Ikkje så mykje for Nicholas enda, men vi kosa oss berre med å vandre rundt og han storkosa seg i vogna, fekk sett på dyr, ete is, sitte i ein traktor og litt sånn forskjellig.

Fredag var vi på Lilleputthammer. Kjempekoseleg der også. Eg syns Nicholas var litt varm og virka litt pjusk, men trudde først det var på grunn av varmen. Utpå ettermiddagen syns eg han berre vart varmare og varmare. Til slutt fekk vi målt tempen, som viste nesten 40 i feber. Det var ikkje noko kjekt! Ukjent plass, og ein unge som knapt har hatt feber før. Vi fekk snakka med lege etter laaaaang prosess med å få tak i nummer....Slikt burde henge i alle bu-einingane etter mitt syn. Vi fekk beskjed om at han skulle få febernedsetjande så lenge han ikkje hadde andre symptom. Etter ei søvnlaus natt, gjekk feberen ned, men likevel var han ikkje heilt i slag, så vi tok det rolig også laurdagen. Søndag var vi innom Leikeland på Hafjell før vi kjørte heim, men der var det heller ikkje så mykje for sånne heilt små. Men vi hadde tross alt ein fin tur, og det var godt å kome seg litt heimanfrå :)

1 års dag

2010-06-21T21:53:00.003+02:00

Tenk at lisjeprinsen vår er 1 år idag.....det er heilt utruleg kor fort tida har gått. Får litt flashback av og til, kjenner liksom lukta og atmosfæren frå barsel og neonatal intensiven, følelsane som kom og alle dei rare tankane rundt det heile. Vi var veldig heldige. Ingen komplikasjonar verken der og då eller seinare. Vi har ein gut som utan tvil er ein "oppegåande" kar....ikkje eitt teikn på at han var prematur. Språk, motorikk og alt anna fungerer så absolutt, og det er berre heilt fantastisk godt å sjå. Vi er så uendeleg takknemlege for det vesle underet vårt!

Dagen feira vi med kaker og gele og masse anna godt.

Jan Ove laga gele-traktor....og mamma/mormor kake med gul krem og seigmenn :)...

...mens eg snekra ihop traktorkake....den ovanfor laga eg til idag. Vart IKKJE fornøgd med den, men var heldigare med den eg laga til forrige helg...den under. Her er det snakk om rett konsistens på krem, for å få den "samarbeidsvillig...."

Vi hadde selskap der mormor, tante Hanne-Marit, onkel Ole, Mariell, Hanna og Sander, oldefar, onkel Tom Andrè og Sissel (fadder) var kjekke gjestar. Farmor og farfar var vekke idag, men dei kjem og et kake imorgon.

På føremiddag var kompis Endre og mammaen Alise på besøk, kjempekjekt.

Mange fine gåver er pakka ut....det har gått mykje i køyretøy av den tyngre sorten....Traktorar og lastebilar, gravemaskin og også bøker om samtlege.....Trehjulsykkel, bok om den søte hunden Tassen fall også i god smak hos jubilanten, Hinkel-Pinkel-bamse som snakkar og syng, sandkasseleiker, kle og pengar....Takk alle sammen for flotte gåver og koseleg samvære.

Takk også til dokke som feira ilag med oss forrige helg, då svigerfar var 70 og vi "tjuvfeira" Nicholas litt i same slengen. Takk for kjekk drill som Nicholas fekk med Helene og Andreas & co.

Små barn, store gleder :)

2010-06-17T20:25:00.007+02:00

"Det er ikkje gull alt som glimar", vert det sagt....Motsatt er det ikkje nødvendigvis berre skrap det som ser ut som det heller...
Nicholas er sin unge alder til tross, veldig traktorfrelst. Han vart derfor overlukkeleg då han oppdaga denne "skraphaugen" (sorry, Stig...) like ved huset vårt. Nicholas bryr seg ikkje om at setet er morkna vekk, eller at alle delene som ein gong har vore lause, no er rusta fast. For han er det meir enn svært nok å få sitje på bakhjulet eller tasse rundt og undersøke alt mulig rart....I fantasien er vi nok på traktor-tur både her og der i løpet av ein dag :)

Vi vaksne har nok mykje å lære her av barna....å sjå det store i det enkle, og verdiar der andre ikkje ser dei...

Og når vi først var igang med bondelivet (eigentleg kjeda vi oss veldig....) kom eg plutseleg på at igår når vi trilla rundt vatnet, var der masse sauer langs Stranda. Nicholas sov då, men idag fann eg ut at vi skulle trille bortover dit når han var våken. Sidan det går massevis av folk der kvar dag, er desse sauene mest for "gardsbikkjer" å rekne....Denne søya var først skeptisk og la på øyrene til oss, (og lamma nytta mora sin skepsis til å få seg ein tår...)

men etterkvart fann ho tydelegvis ut at vi var snille....og då var det ikkje måte på til kjærleik....

Kjørekurs for Gunnar Bruland (oppdatert med bilder)

2010-06-06T20:57:00.004+02:00

Denne helga har eg deltatt på kurs i køyring (med hest). Sidan Hermine er den av hestane mine som er "kaldast i haudet", vil eg satse på ho som køyrehest. Stjerna er litt meir ustabil og nervøs av seg, og det er greit under rytter, men kan få LITT meir konsekvensar med vogn....om noko skulle skje. Så-eg deltok med Hermine. Eg var litt spent sidan vi ikkje har køyrt så mykje siste halvanna året. Men etter den positive turen for eit par veker sidan, var eg klar for at både eg og hesten skulle lære meir innan dette emnet.
Den første timen hadde eg 09.15. Beate kom og var psykisk støtte til og frå bana, men eg hadde ikkje trengt å bekymre meg. Hermine var kjempeflink, og eg følte at eg begynte å forstå litt meir om korleis eg skal bruke hjelparane for å få hesten til å forstå kva eg vil. Eg har ikkje vore så interessert i køyring før, i og med eg ikkje har hatt ein hest eg har stolt på, og det var så godt å kjenne at tilliten min til Hermine vaks etterkvart som timen gjekk.

Neste økt som var 11.45 køyrde eg til og frå bana aleine, inkludert å kome seg gjennom ei grind som må låsast opp og igjen. Det meste av vegen er på skogsvegen, men på slutten møter ein både trafikk, andre hestar og andre "forstyrrande element". Men vi takla dette fint :)
Om kvelden var det teori der vi snakka ein del om køyring og reflekterte over viktige ting som har med hest og køyring å gjere.
Idag var vi på time ilag med ei anna ekvipasje (hest+kusk) som tømmekjørte. Den hesten var litt nervøs, og det vart gjort ein del miljøtrening i form av t.d. skramlande syrekanne. Eg syns det var heilt fint, for då fekk også Hermine ein del miljøtrening; vere på bana ilag med ein annan hest og mykje lydar og bråk. Eg og ho kosa oss med å kjøre gjennom kjegler (litt bowling vart det, men vi klarte det bra etterkvart), og elles litt rygging og trening på det vi hadde lært.
Eg har hatt ei særs lærerik og fantastisk kjekk helg som gav meirsmak til å lære meir! Hesten min er heilt fantastisk! Det er også mamma som har passa Nicholas og gjort det mulig for meg å delta. Takk også til Ingvild for lån av vogn (mi er så stiv og tung...ønskjer meg NY!)

Sia & Mesi

2010-06-01T21:31:00.002+02:00

Då er siameser-paret mitt komplett :) Er dei ikkje søte?

Frå hytte til villa

2010-05-27T23:00:00.004+02:00

Slik såg huset vårt ut før:

Og slik ser det ut no:

Huset har så lenge eg kan huske, vore rødt. Det ligg ved ein turveg, og eg hugsa frå eg var lita at eg syns dette huset såg så koseleg ut...Kven skulle vel trudd at eg plutseleg ein dag skulle bu her?
I og med at det alltid har vore slik, er det komt ein del reaksjonar på at vi endra farge. Mest positive :) Sjølv syns vi det vart som natt og dag, eller som svogeren min sa: frå hytte til villa :)
Fargen vi har no heiter lys antikk, og listene er av fargen eggehvit.

Nicholas sin første bil

2010-05-27T22:33:00.002+02:00

Eg bestilte denne gå-bilen på www.barneshoppen.no i bursdagsgåve til Nicholas.

Eg syns den var så råstilig :) Den kom idag, og eg kunne ikkje vente med å gi han den, sånn litt på forskudd :)
Og gåva fall i smak, som de ser....
Først må ein sjekke om dekka er av rett kvalitet....

...så er det viktig at den kan trillast, i tilfelle motorstopp....

...og til slutt må doningen prøvekjørast....

Eg må også legge til at istaden for å kome tutelyd, kjem det ekte wrooom'ete formel1-lydar når ein trykker på fløyta!

SKIKKELIG KUL!

Award :)

2010-05-23T21:48:00.004+02:00

Takk, Solveig, for at du ga meg denne awarden. Og som eg har skjønt, så skal eg no skrive 7 ting om meg sjølv....
Vel:
*Eg er strikke-/hekle-/scrappe-galen...
*...og like dyre-galen (spesielt glad i hest og katt)
*Eg er den midterste i søskenflokken på 3, men blir oftare tatt for å vere søstra mi enn meg sjølv...
*Har verdens skjønnaste gut på 11 mnd
*Ser lita og uskyldig ut, men berre pass deg (hehe)
*Hadde Russenavnet "Lille My" og blir kalt det enda.
*Hatar slangar

Awarden gir eg vidare til desse flotte bloggarane:
Beate's verden
Ja9tas verden
Annika :o)
Huset ved elva

Keep up the good blogs :)

Tur med hest, vogn og Den Ein-arma Banditten

2010-05-23T21:26:00.003+02:00

Eg har grudd meg til denne dagen i 1,5 år. Eigentleg skulle det ikkje gå SÅÅÅ lang tid, men det var heller ikkje planlagt at det skulle skje idag.
Det eg snakkar om er å køyre med Hermine. Eg slutta med det i desember 08 då eg var gravid og ikkje ville ta nokon sjanse. Eg reid og kjørte dei to første månadene, men så ville eg ikkje gamble meir på det. Og sidan det har ikkje Hermine hatt vogn bak seg. Eg skulle gjere det i haust, og eg skulle gjere det når snøen fòr, men så har eg liksom villa hatt med meg ein hjelpar, og det har aldri passa slik. Og så HAR eg grudd meg, for eg rekna med at det kom til å bli litt tull med det samme. Og det ein grur seg for, har ein ofte ein tendens til å utsetje...

Idag tenkte eg å enten ri Stjerna, eller tømmekjøre Hermine. Eg spurte Beate (den ein-arma banditten) om ho ville gå tur ilag med. Ho har skada seg på motorsag då ho hjalp faren i skogen, så ho har nokre fingrar som er litt under "reparasjon". Ho er altså ikkje ein-arma på EKTE, heldigvis. Men har berre ei hand som virkar for øyeblikket....

Altså....Eg tok ut vogna mi, og hadde tenkt å berre tømmekjøre Hermine, rundt vogna, skramle litt med den, tømmekjøre ho over sjekrene, og ha litt miljøtrening rett og slett....Eg hadde ikkje tenkt å spenne på vogna idag, sidan eg eigentleg var aleine.
Men kva skjer? Eg tømmekjører ho rundt vogna og inn mellom sjekrene....og der stiller ho seg opp som om ho har gjort dette kvar dag i årevis. Eg lyfte vogna opp og slapp den i bakken, slik at det skramla...Og Hermine sto støtt som eit fjell, såg litt dumt på meg, som for å spørje: "Kva ventar du på? Skal vi ikkje på tur?" Så då måtte eg jo feste på vogna, då :):):) Hadde ikkje DRØMT om at det skulle vere så enkelt. JUUUUUHUUU. Kjempe-kick! Å så glad eg er!!! Flinke hesten min :)

Nicholas sin første 17.mai

2010-05-18T12:34:00.005+02:00

Her er karen klar for sitt første barnetog....Vi gjekk under "Andre barn og vaksne" sidan vi ikkje høyrer til nokon barnehage enda. Hovudpersonen sovna forøvrig rett etter at toget starta, og sov seg gjennom heile toget, med tuting og skråling rundt øyrene....

Her er han ilag med søskenbarnet Sander på kakekalas hos mormora.

Karane mine :)

Stramming i matrosdress :)

Venting på at folketoget skulle passere. Det vart forresten så lenge å vente (som Mariell kunne fortelle, så hadde visst korpset gått feil, så gjengen frå idrettslaget måtte innhente dei på rulleski....) at Nicholas sovna frå dette toget også...Jaja. Det går nok fleire tog...(haha...)

Venting på toget ilag med papsen og mormor.

Ups.....

2010-05-12T22:19:00.003+02:00

Dårleg med oppdatering her...Eg har ikkje blogga i mai. Uff og uff...men her går dagane i eitt. Først to veker som sjø-enke, og så to veker som beisings-enke (Jan Ove har holdt på å beise huset sidan han kom heim, innimellom snøbygene har det faktisk vore mulig å male litt)
Men det blir FIIINT. Det triste mørkeraude huset (som forøvrig ALLTID har vore slik, bortsett frå då det var nytt og mørkebrunt) er no lyst og lett og rett og slett lekkert. Bilde kjem når stillas og alt rusk er vekk (og mor har tid og ikkje minst energi til å blogge igjen.)

HA EI FIN LANGHELG, FOLKENS :)

Miao!

2010-04-26T20:09:00.002+02:00

Den eine siameseren er ferdig :)
Og den ser slik ut:

Fin eller?
Garn og oppskrift er frå Mikk-L Design som dokke finn link til i lista over bloggar eg les. Mykje artig, verdt ein titt :)

Kor er kondisen?

2010-04-25T22:40:00.003+02:00

Idag var eg og Hermine på tur ilag med Ingvild og Mai. Til ei forandring fann eg ut at eg også skulle taumkjøre, for å få trent Hermine litt frå bakken, og samtidig få trimma litt. Vi hadde ein kjempefin og sosial tur, og at eg var bånn sliten då vi kom oppatt, var absolutt ikkje Hermine sin feil. Ho var litt våryr i starten, men det var ikkje nokon store "stunt" ho hadde føre seg. Det skuldast nok heller at eg (sjølv etter x antal trilleturar, runder med rockeringen og svetting framfor tv`n) framleis slit med kondisen....men det skal nok kome seg :)
Her er nokre fine bilete frå turen:

Mykje fint...

2010-04-22T22:09:00.006+02:00

Idag har vi drege mykje fint til hus....
Først var vi og henta pakke frå SparKjøp på posten. Den var stooor! Og inneheldt:
Eit stort antal smekker til Nicholas, flest av dei med armar på. No for tida er det nemleg på armane all maten som ikkje går i munnen havnar. Elles var der ei vår-hue, nokre strømpebukser med antiskli på både kne og under (som såg litt vel store ut...men vi får ha dei til seinare...guten skal jo bli stor!)....

...og-verktøysett til mor :) Eg er så lei av å ikkje finne verktøy når eg har tenkt å fikse noko. Men må sei at eg vart litt skuffa over kvaliteten her (men...kva trudde eg eigentleg eg fekk for 99 kr???) Eg kjem vel til å knuse verktøyet før eg får fiksa noko....sterk, veit dokke, hehe...Får gøyme det godt så ikkje han far tek det når han ikkje finn igjen sitt eige...

Og så bæremeis. Den var billig og....tja, verka faktisk ganske bra. Vi måtte teste i stova.

Nicholas syns sjølvsagt at innpakninga var mest spennande. Han kleiv på denne kassa resten av dagen.

Men han vart også veldig glad for pakke frå bokklubben med bok og dvd om Hinkel Pinkel. Han ser ikkje på tv enda, men har lånt Hinkel Pinkel-bamsen til Sander som syng og dansar, og kjenner igjen sangen når vi syng den. (og han får ein slik bamse til bursdagen, hysj-hysj.)Boka han fekk har knappar ein kan trykke på, så høyrer ein lydar frå serien.

På ettermiddagen var vi hos ei dame som søstra mi tipsa meg om. Ho (dama) dreiv ein barnekle-butikk før, og har no "restane" heime hos seg sjølv og sel det billig. Og ho vart altså redninga på matrosdress-problemet....sjå berre denne stramme matrosen her :

Hua høyrer ikkje til, men eg veit ikkje om eg får tak i ekte matroshue til så små...men om eg ikkje gjer det, var jo denne ganske søt også..

Klatremus Lillemann

2010-04-18T20:49:00.004+02:00

Sidan Jan Ove er på sjøen no, og eg i tillegg veit det er mange langtvekk-buande som følgjer med på bloggen og lurer på korleis det går med vesle Nicholas, prøvar eg å legge ut litt nye bilder. Idag har eg fått tatt nokre blinkskot.
Det heilt store er for tida å reise seg opp. Ikkje alltid med like stor kontroll, men han er blitt mykje stødigare enn han var i starten.
Her er han på veg opp i leikekassa si idag tidleg. Tøff i pysjamas :)

Idag snøva det sånn ute, at han sov i vogna inne i entreen. Eg hørte noko som "muska" på, og gjekk ned for å sjå om han var våken. Og her er synet som møtte meg:

Sjølv med selar greier denne klatremusa å snu seg rundt og opp og ned og hit og dit. Og sååååååå fornøgd då!!!

Eg har vore litt uggen idag....heile familien på mi side har hatt kraftig spysjuke denne veka, den eine etter den andre, så vi har holdt oss unna dei fram til helga. Men igår og idag har eg også kjent litt på det, har vore heilt sånn uggen i magen, men ikkje hatt knip eller spydd eller noko slikt...og slapp og haudeverk. Midt oppi øreverken. Det eine tek over for det andre liksom. Då var det godt å kunne ta seg ein tur fram til foreldra mine, så såg dei etter Nicholas mens eg fekk kvile litt.
Her er han ilag med bestevennen sin, hunden Jack.

Og han skal tidleg krøkast som god hestekar skal bli :) (han har vore på ryggen til Stjerna også, men då hadde eg ikkje med kamera.)

Etter at eg "installerte" teljar her på bloggen min, ser eg at det er mange fleire enn eg trudde som er innom her. Det syns eg er kjempekoseleg! Men eg hadde blitt enda gladare viss fleire la igjen eit spor :)

"Snøtrall"

2010-04-18T19:27:00.005+02:00

No ligger katta i vinduskarmen
og ute snør det som aldri før
og katta krøllar seg ihop i varmen
og nektar plent å gå utfor dør

Heisann og sudelidattendei for snøen og deg og meg.....

(eiga fortvila omskriving av "Soltrall"...("nå skinner sola i vinduskarmen..osv.")

Sånn ser det ut i Volda idag...

eg har aldri hørt Melissa knurre før når eg har hatt ho ut, men idag gjorde ho det....eg tvinga ho ut døra, og då kom det tydelegvis nokre saftige gloser på kattespråket, mens ho rista på labbane og såg ganske forkomen ut. Og eg forstår ho godt,eg....no når vi hadde fått ein smak av våren :) Men denne snøen ligg nok ikkje lenge. Så vi får håpe og tru at katta snart blir blid igjen :)

Det føles så godt.....

2010-04-16T16:44:00.002+02:00

...å endeleg ha fjerna det nokon andre burde ha fjerna for lenge sidan, eller som nokon andre aldri skulla kasta frå seg i naturen i første omgong. Eg snakkar om piggtråd-kveilen som den kjære katten min Sara gjekk seg inn i for eit år sidan, og leid stygt før eg fann ho død i skogen rett nedom huset vårt.

Vi melde frå til politiet om at det låg der, og dei ville kontakte eigar av området, sidan det ferdast både barn og andre dyr i skogen der, men det er altså ikkje blitt gjort noko med. Eg har vore så redd for at den nye katten vår skulle skade seg på same måte, for eg har sett at ho ferdast mykje der nede. Så idag når eg var ute og trilla Nicholas, såg eg at snøen hadde smelta slik at "styggedomen" var synleg att, så eg gjekk ned og tok den med meg. Kvar ein skal gjere av sånt har eg ikkje peiling på. Ikkje kan eg hive det frå meg nokon plass ute. Levere det nokon plass? Kvar i såfall? Grave det ned? Eg har iallefall putta det i ei pappkasse og teipa godt igjen. Så har eg iallefall god samvittighet for at ingen andre dyr, eller den kjære Melissa-pusen min ikkje lid same skjebne.

REST IN PEACE, SARA MI.

Endelig pakke fra Mikk-L design :)

2010-04-13T21:03:00.003+02:00

Eg kom over ei nettside på facebook, som heiter Mikk-L design (sjå link under bloggar eg les)Her er det masse artige figurar ein kan strikke, og eg fall for eit par siameser-kattar, Sia og Mesi. Desse ville eg strikke. Eg bestilte garn før påske, men av ein eller annan grunn er pakken komen vekk i posten. Så eg har venta og venta, og tok kontakt med selgar, som igår sende ny pakke med express! Tusen takk for god service!
Her er garnet: det skal strikkast ein kvit og ein grøn og tovast.

Mens eg venta på pakken, måtte eg ha noko mellom fingrane, og det vart strikka eit par sokkar som høyrer til Pingu-genseren. Og så er eg i gang med bukse til. I oppskrifta er buksa kvit med turkis mønster nede, men eg syns desse to fargane var så flotte ilag, og at kvit bukse på ein eitt-åring berre fungerar på eit oppstilt fotograf-bilde i ei strikke-katalog!

Egentlig likar eg å avslutte eit arbeid før eg startar på eit nytt, men eg veit ikkje om eg greier å vente til eg har strikka buksa ferdig før ej begynner på kattane.....Men kanskje det kan vere greitt å ha to strikk å veksle mellom, eitt med tynne (2,5) og eitt med tjukke (7) pinnar....? Bilder kjem når dei er ferdige.

Rocka øreverk

2010-04-09T21:54:00.002+02:00

Siste veka har det vore dårleg med trim. Eg har hatt sånn øreverk, så har mest holdt meg inne og i ro. Har vore slapp og sove når eg har kunna. Eg trudde det skulle gå over av seg sjølv, og sidan eg helst unngår venting og kaos på legesenter og apotek, har eg venta i det lengste. Men idag innsåg eg at eg måtte krype til korset. Og...joda-betennelse i ytre øre....baaaah! Men eg fekk pencilin, og tenkte at jaja, no blir det vel bra. Og øra var fornøgd, men ikkje magen. Så ikveld har eg leie på sofaen eller på golvet (for å passe på at Nicholas ikkje kantra når han sto oppetter eit bord eller noko anna det går an å reise seg opp etter) og berre hatt mageknip. Men no kom det seg litt, så eg har vore borte hos naboen for å låne ein sånn her trenings-rockering.
Har tenkt lenge på å kjøpe meg ein, men ikkje somla meg til. Så kom eg på at ho har ein, og tenkte det kunne vere lurt å prøve ein før eg bestiller, slik at eg veit at eg kjem til å bruke den. Rockering er eg (utan å skryte) faktisk ganske rå på, så det gikk fint. Men eg trur på naboen når ho sa at eg kan rekne med å bli blå....for det var litt vondt sidan den er så ruglete på innsida. Men det skal vel gå etterkvart som ein blir herda. Godt det ikkje er bikini-sesong....så slepp Jan Ove å bli anklaga for "kone"-mishandling ;p

GOD HELG ALLE SAMMEN !

Vår!

2010-04-05T19:50:00.006+02:00

Idag har det vore den aller flottaste vårdagen hittil i år. Det var god varme i sola då den steikte på terrassa vår, men litt kald vind når ein kom utom solveggen. Eg starta med ein trilletur rundt Rotevatnet, og seinare på dagen kosa vi oss på terrassa. Det er faktisk første gong Nicholas "kravlar" rundt der ute, for det har vore så mykje snø der før. Men han kosa seg han, berre det er noko å reise seg opp etter, er han fornøgd han no for tida.

Igår fekk han testa reia (huska/dissa) på Håskjold for første gong. Det var etter uttrykket å dømme KJEKT :)

Fleire vesker...

2010-04-05T14:59:00.003+02:00

Då Mariell og Hanna (tantejentene mine) såg den brunspraglete veska eg strikka for nokre veker sidan, kom det: "Åååå, kan du strikke sånn til oss?" Og kva anna kan ein vel seie då, enn: "Ja, klart eg skal gjere det...."

Veskene er strikka etter same oppskrift som den brune, anna enn at eg gløymde meg og strikka glattstrikk (kun rette masker) der det skal vere 1 r, 1 vr, altså etter at botnen er strikka og ein byrjar på sjølve veska. Men eg syns igrunn det vart finare, pluss at veskene vart "fastare" og betre å handtere. Då er altså begge deler prøvd, og om nokon av mine lesarar vil prøve, så veit de at begge måtane fungerer. Prøv dykk fram :)

Garnet og pinnane er det samme som sist, TrysilGarn, Oda, frå Europris, pinnar 5 og 5,5. For oppskrift, sjå under innlegget "Vesketjuv".

Botnen på veskene ser slik ut

Og veskene vart slik:

Ein sein kveld eg var litt "overtrøtt" fann eg elles ut at veska godt kan fungere som lue også (hihi).

Litt meir påske

2010-04-04T21:48:00.003+02:00

Til tross for at påska starta med ein sjuk liten gut, så har den vore fin allikevel. Det tok nokre dagar før han var den gode gamle turboen igjen, men no er han i fin form. For eit par veker sidan begynte han å reise seg opp etter ting.(..her går vi frå krypestadiet til opp å stå, liksom....Å få guten til å sitte sjølv er ikkje så lett, han er liksom ikkje interessert i det. Men vi lykkast innimellom, og plutselig ein dag finn han vel ut at det også går an. )

Her har han stolt klart å reise seg opp etter salongbordet til farmora og farfaren.

Det er også blitt ein del farfar-kos i påska.

Onsdag var Hanna på besøk, og då pynta vi litt til påske. Vi var ute og plukka inn bjørk, og Melissa følgde nøye med på Hanna mens ho hengte opp fine egg i kvistane.

Elles har påska gått med til
*trilleturar
*skiturar
*kryssord
*strikking
*riding
*mange familiemiddagar
og for ikkje å gløyme det vi har gjort mest og best: ETE SNOP!

Håper alle har hatt ei fin påske :)

Pingu-kosedyr

2010-03-28T21:55:00.003+02:00

Hekla pingvin-kosedyr. Oppskrifta stod i heftet ilag med Pingu-genseren.
Ein liten skjønning som eg alt har hekla to av (Mariell og Hanna var tidleg ute med "bestilling")

Starten på påska `10

2010-03-28T21:10:00.007+02:00

Så har påskeferien starta for mange....for min egen del går jo helg og kvardag stort sett i ett sidan eg er heime i permisjon, men at påska er på veg har jo vist seg lenge, spesielt i butikkane. Eg har ikkje brukt å pynte så mykje til påske, men litt gult må jo i hus. Det blir vel meir med åra når minsten veks til. Eg har også kjøpt nokre søte små påskeegg som eg skal henge i bjørkekvistar, men det har eg ikkje fått plukka inn enda. Vi har ingen planer for påska, vi tek det som det kjem. Litt familiekos blir det vel på begge kantar, og elles blir det vel det vanlege. Nicholas har vore sjuk nokre dagar no. Tett nase, tett i brystet og ekkel hoste, litt feber og elles tenner i anmarsj, så like greit at vi ikkje hadde lagt store planer.

Litt sjuk, men like blid :)

Idag fekk eg tatt meg ein ridetur. Det var godt å kome seg litt ut å lufte haudet etter å ha vore mest inne siste dagane. Hermine var kjempeflink sjølv om det er nokre dagar sidan sist, og sjølv om vi var aleine. Ho syns det er kjekkast å ha med "veninner" på tur, men vi har hatt nokre veldig gode solo-turar no i det siste, og det er jo like greitt ho blir vant til å vere aleine på tur, så slepp eg å vere avhengig av at andre kan vere med.

Då vi kom oppatt, var det to jenter som ville bli med tante å ri...Her er Hanna i aksjon :)

Nydeleg skitur!

2010-03-22T18:15:00.007+01:00

Idag har Nicholas, mormora og eg vore på skitur. Eg hadde egentlig håpa på det samme strålande vårvêret som igår (men då vart det trilletur og riding istaden for ski), men det var litt meir overskya idag. Vi var usikre på føret sida det var kaldt inatt, men når vi først "sukka" oss avgårde så fekk vi ein utruleg flott tur!
I starten hadde vi glatte ski, og etter råd frå min svoger, smurte vi med lilla. Det hjalp IKKJE. Så vi leita vidare i smøreveska, og fann ein raud det sto ei til minus ei grad på. DEN funka! Ganske stolte var vi av å ha ordna ut dette sjølv. Som avdanka skiløpar burde eg vel lære meg å smørje....iallefall no når eg har pulk. Tidlegare har det ikkje vore så ille å gå på glatte ski, men det vart litt tyngre og masete med ein pulk på slep. Kanskje eg burde skaffe meg fellar, men det fins vel ikkje smale nok til mine ski...? Får sjekke litt ut.Vi gjekk innover frå Krøvelseidet til Rotevassetra der vi har hytte. Nærmasat Eidet var det begynt å minke kraftig på snøen, og tendens til opne grøfter....så no må ein nytte kvar ei anledning til å kome seg på ski. Godt at snøen forsvinn altså, men hadde håpa på litt turar i påska.
Vi låste oss ikkje inn i hytta, men hadde ein kaffi&kvikklunsj-siesta før vi snudde heimover. Nicholas sov søtt i pulken heile vegen. (dessverre hadde eg ikkje batteri på kameraet....)
Og til slutt-GRATULERER MED 29 ÅRS DAGEN, KJÆRSTEN MIN

Babybading

2010-03-17T17:23:00.005+01:00

Idag var det første gong på organisert babybading. Vi har vore i bassenget før, så det var ikkje første gong for Nicholas. Sidan papsen sit vêrfast i Nordsjøen, så var det Nicholas og eg som var og duppa oss.

Nicholas syns det er veldig kjekt i bassenget, og idag var der så mange andre babyar også.....det var meir interessant å glo på dei, enn å ta leikene som instruktøren kasta uti vatnet....Elles sto vi i ring og song ein del mens vi gjorde ulike øvingar, og det var stor stas. Det einaste "problemet" er den vesle villmannen vår som er så aktiv at mamma har problem med å holde hovudet hans over vatnet.....så han var vel under litt meir enn han skulle, men det verka ikkje som han syns det gjorde så mykje.... VI GLER OSS TIL NESTE GONG :)

Elles regnar det idag :) Siste dagane har det snøva så mykje at det har vore berre herk og vanskeleg med alt. Men idag kjem det ferdig måka, og DET er eg fornøgd med. Så får skiføre vere skiføre, no er eg lei av kvit mark!

Og så håper vi at Jan Ove kjem seg i land ein av nærmaste dagane. Skal innrømme at eg vart skuffa igår når eg fekk vite at helikopteret idag var kansellert, men så slo det meg at eg skal jammen ikkje klage. Tenk på dei som misser pappaen sin eller ein annan nær person. Vår kjem iallefall heim, om enn nokre dagar for seint. Det overlever vi :)

Vesketjuv....

2010-03-14T21:53:00.003+01:00

Idèen har eg stole frå svigerinna mi, Anette, og oppskrifta er stolen frå bloggen/nettbutikken "Strikk innom". Likevel følte eg at det vart litt mitt eige eksperiment.....Ein tek litt her og litt der og lagar det til sitt eige liksom...

Garnet som var brukt i den opprinnelege oppskrifta, måtte kjøpast/bestillast frå nettbutikken. Det heiter Bamboozle, frå Crystal Palace. Eg er ei utolmodig sjel og ville kome igang med det samme. Turen gjekk til Euro Pris, der eg fann garn og pinnar i passe størrelse.

OPPSKRIFT

Garn: Trysil Garn, Oda (EuroPris)

Pinnar: 5 og 5,5 (brukt her)

Mål: ca 17 cm høg og 19 brei.

Legg opp 23 m på p nr 5,5 og strikk 38 omg perlestrikk. Ta opp 19 m langs neste kant, deretter 23 m langs den andre kanten, og 19 m langs den tredje, til sammen blir det 84 m.

Strikk ca 10 cm ribbestrikk (1r, 1vr) og deretter ca 6 omg perlestrikk igjen.

Skift til pinne nr 5 og strikk ein omgong til med perlestrikk.

Hol til snor: strikk 6 m perlestrikk, 2 vr sammen, kast. Fortsett til du har 10 hol, og strikk perlestrikk ut omg. Strikk 2 omg perlestrikk og fell av.

Snora strikka eg slik: Legg opp 3 m på p nr 5. Istaden for å snu pinnen og starte i den enden tråden er, skal ein etter å ha strikka 3 m halde pinnen som før, men ta tråden på baksida av arbeidet/pinnen og starte på den første m igjen. Stram til mellom kvar omg slik at snora blir rund.

Snora kan også heklast (sjå den opprinnelege oppskrifta, http://garn.poppyfield.net/monstre/bamboozleveske.htm)

Kupp!

2010-03-13T22:22:00.004+01:00

Igår var eg på salg på Sport1....der kom eg over jakke og bukse til Nicholas av merket SKOGSTAD, som er veldig gode kle! Jakka var -70%, så istaden for 499,- var den no 149,-!!!!! Buksa var "berre" nedsatt 30%, som vart frå 299,- til vèl 200,- men alle monner drar :) Settet kjøpte eg i str 1 år, så det blir ein godt utrusta liten mann som skal begynne i barnehagen i august...

Vi fekk brev no i veka, om at vi fekk plass til Nicholas på førstevalget vårt, Hjellbakkane barnehage. Dei har "I vêr og vind" som motto, og er mykje ute. Uteområdet består for det meste av skog og naturen sine eigne "leikeapparat", så dette blir flott. Første året er eg mest opptatt av at han har det trygt og godt, men elles står friluftsliv høgt på lista over det eg vil han skal oppleve i barnehagen. Sander skal også gå der, så det blir Hoggen-banden som "rular" hehe....Watch out, neida...snille gutar begge to. Det blir nok rart å ha gullet frå seg, men eg er trygg på at han får gode dagar i Hjellbakkane Barnehage :)

(I skrivande stund må eg legge til at Melissa Katt nok er misunneleg på utstyret.....det ligg fortsatt på golvet etter at eg tok bilde, og no har ho teke seg godt til rette midt på jakka.....)
....."talkin`to me????"

Vår, eller?

2010-03-11T09:17:00.003+01:00

No kunne det sjå ut som vi endeleg-etter 3 mnd med snødekte omgivnader-kunne få litt vår i sikte...Det aller sikraste vårteiknet dei siste dagane, har vel vore at Melissa Katt FRIVILLIG har gått til døra og bedt om å få kome ut. Det har også regna kraftig nokre dagar no, og det er mildt sagt livsfarleg å gå utfor døra. Men dei meterhøge snøhaugane rundt omkring har minka, og under sørpa og isen fins det bare vegar.....

MEN

skal ein tru vêrmeldingane, skal det visst til å snø igjen til helga :(

Eg vil gjerne at det skal ligge litt snø igjen i fjellet, slik at skia og pulken kan brukast litt til. Men ellers lengtar eg mot vår....

Så eg får trøste meg med desse nydelege tulipanane så lenge. Eg fekk dei med 3 kjekke kollegaer som var på besøk igår kveld.

GRATULERER....

2010-03-08T14:22:00.000+01:00

MED DAGEN ALLE DAMER :)

Forandring fryder....

2010-03-06T22:56:00.003+01:00

Følte bloggen min var så tam..så ville prøve å forandre litt....syns igrunnen det vart litt stilig :)

Kreativt!

2010-03-05T18:39:00.004+01:00

Dette er eit babyteppe som eg skal gi vekk. Det var tenkt til eit vognteppe, men vart litt større enn eg hadde tenkt, så det kan enten leggast dobbelt og ha på vogna, eller det kan brukast som koseteppe.
Oppskrifta står i ei bok som heiter "Ein mjuk start", der det er mange fine babyoppskrifter. I boka er det mange ulike mønstervariantar, men eg valde denne som eg trur heiter sjakkruter, eller dobbel perlestrikk er det vel eigentleg.

Så vart den mykje omtala Pingu-genseren ferdig! Den er strikka i str 1 år, så det var ingen hast såleis....men litt spennande er det jo å sjå korleis det ferdige produktet blir. Det eg var mest spent på var om eg skulle greie å hekle pingvinen, for hekling er virkelig ikkje mi sterke side. Har prøvd litt før, men aldri skjønt det der med luftmasker, kjedemasker, halv- og heilstavar osb. MEN no måtte eg nesten gjere eit seriøst forsøk, for Pingu-genser uten Pingu....neeeei....det går ikkje.
Men ved hjelp av Dr. Google, og DROPS hekleskole, fekk eg losa meg gjennom oppskrifta og alle maskene, og resultatet vart ikkje så verst. Nokre egenkomponerte masker har eg nok innimellom, laga i øyeblikk der tankane har vore ein annan plass og fingrane har jobba på eiga hand.....men det gjer jo berre denne pingvinen HEILT spesiell. Ingen har maken :)

Det høyrer også bukse, hue og sokkar til. Buksa er kvit på oppskrifta, men eg syns det blir så skitsomt, så får sjå om eg strikkar ei i turkis kanskje. Hua trur eg at eg droppar i første omgong, men sokkane er eg såvidt begynt å legge opp....må jo ha NOKO å gjer på kveldane....

Populær Tante

2010-03-05T11:25:00.005+01:00

Eg har alltid hatt eit spesielt forhold til tanteungane mine.....Alle tre til systra mi var jo fødde før eg fekk Nicholas, Mariell og Hanna også mens eg var singel....Og så glad som eg er i ungar, er det blitt mykje tid og mykje moro ilag med dei.
Mariell (11) og Hanna (7,5) er også kreative sjeler....inspirert av tanta, eller kanskje mormor? Mariell gikk igang med dette vognteppet som var planlagt å gi meg til bursdagen min 1. februar....men så gjekk tida litt ifrå henne, så då passa det godt at morsdag kom nokre veker etter :) Eg syns sånt er så koseleg å få!!! Her er det verkeleg lagt ned tid og sjel i kvar ei maske!

Og litt etter fekk eg dette, eit namneskilt i tre med pålimte leirebokstavar. Dette hadde ho laga på skulen i handarbeidstimane. Eg blir rørt av at det er MEG dei ofte lagar noko til :)

Hanna har også laga mykje fint som eg ikkje har bilde av her.

Den første ski-turen....

2010-02-25T21:28:00.006+01:00

...for meg og Jan Ove, årets første, for Nicholas den aller første. Det har vore så kaldt hittil, så eg trudde det vart lenge før eg fekk testa ut pulken eg kjøpte tidlegare i veka. Slo til no når dei var på kampanje, og håper på fine forhold så vi får bruke den mykje! For dette var kjekt! Her er Nicholas klar:

Vi plukka opp mamma på vegen, og møtte systera mi m/familie på Reset. Jan Ove, Hanne-Marit, mamma og eg gjekk framover turløypa med gutane i pulk, mens Ole og jentene var i ski-trekket.

Mamma og Hanne-Marit, med Sander i pulk.

Her får eg prøve å vere hest....

Jan Ove og mamma smører ski.

Hanna sto på slalom

Sander kosa seg med bolle i pulken.
...og Mariell prøvde ut det nye snowboardet sitt.

Ein fantastisk dag i fantastisk selskap, kjempevêr og superføre! Håper på mange slike dagar framover. No når eg har pulk blir det lettare å kome seg på tur!

Morsdag/valentines

2010-02-14T22:31:00.004+01:00

Idag har eg hatt min første morsdag! Igår var eg og systra mi på handel og kjøpte morsdagspresang til mamma, og då kunne eg ikkje dy meg, men måtte kjøpe dette nydelige lyset til meg sjølv frå Nicholas. (Sannheten var vel at eg ikkje rekna med å få noko verken til morsdag eller valentine...han er ikkje så flink til sånt denne sambuaren min...)

Derimot er eg litt små-romantisk sjølv, så eg kjøpte denne koppen og bamsen til Jan Ove...

..og fekk stolpesjokk då eg kom heim og fekk denne...
Hadde ikkje rekna med ein grankvist eingong, og så fekk eg denne...så han er jo søøøøt då :) Og om han ikkje er så flink å kjøpe blomster, så er han desto flinkare å SEI kvar dag at han er glad i meg....og det varmar mykje meir enn blomster <3

Eg fekk også to rosebukettar, ein med mamma og ein med svigermor <3

Katteruletten

2010-02-06T12:53:00.004+01:00

At Melissa er ein uvanleg leiken katt, veit eg jo frå før. Men at ho skulle bli SÅ engasjert i denne katte-leika, var vel over mi fatte-evne...

Den var eit impulskjøp på EuroPris, men jammen fall den i smak. Ho held mest på med ballen som går rundt hjulet, sender den rundt og så ligg ho enten og ventar på at den skal kome rundt igjen, eller ho hoppar over heile stasen og tek att ballen når den er komt halvvegs rundt......det går voldsomt føre seg med andre ord :) Virkelig gøy underhaldning :)

Ridetur i verdens vakraste vinterland :)

2010-02-01T19:13:00.007+01:00

Igår var det eit nydeleg flott vintervêr ute, og dilemmaet var om eg skulle ta hest eller ski til skogs.....men sidan eg allereide hadde avtalt med Elna at ho skulle ri Stjerna, så vart det hest. Dessutan måtte eg prøve den nye salen til Hermine, som eg rakk å hente 1 minutt før stengetid på laurdag-snakk om flaks. OG ENDELIG PASSA DEN ;) Dobbelt HURRA, altså!!! Og den var god å ri i. Vi reid nedover "markaveien" og til høgre over elva ved den store runde parkeringsplassen. Meir er det vel ikkje å seie, anna enn at hestane var kjempegreie, bileta talar vel for seg?

ENJOY!!!!

Og dette har vi so og sei rett utanfor stovedøra......herleg :)

Brille-mann...

2010-01-30T17:01:00.002+01:00

Idag er det forresten komt kjempemykje snø igjen, dvs det kom litt igår og mykje inatt....det er godt vi har firhjulstrekk, og at naboen har snøfresar! Likevel vassa eg i snø til livet når eg skulle bort til veda-ladet vårt....ok så er ikkje beina mine så lange, men det ER mykje snø ute, sjå berre her på terrassa vår:

Ok, her var litt fra før, men det har lava ned jamnt siste dagane. Fint, men nok no :)

Lyst heim Jan Ove????? (hihi)

Shop 'till you drop...

2010-01-25T21:14:00.009+01:00

Idag va eg på handel...dvs eg skulle utføre nokre ærend i sentrum, men i tillegg til det havna eg då på shoppe-kjøret....:p MEEEN- til mitt forsvar skal det seiast at eg kjøpte berre ting eg hadde bruk for! Nesten iallefall....

På Nille handla eg litt stæsj til heimen, nye lys og ein løpar.

På Vero Moda fann eg meg ei kjempetøff, baggy dongeribukse til halv pris, og når eg først fann ein tunika og ein genser eg likte max, kjøpte eg like gjerne to av kvar.....i ulike fargar. Eg er rimeleg kle-laus etter svangerskapet, og har ikkje alltid så god tid eller faktisk lyst til å shoppe kle med ei barnevogn på slep...(sjølv om han som oftast søv når han ligg i vogna). Men idag var det altså dagen :) Så no blir ho mor fiiiin :)

Nicholas har stadig nye lydar eller "påfunn" no om dagen. Han er begynt å skratte skikkeleg, og elskar at ein bles eller lagar "fiselydar" med munnen mot huda hans. Eg har brukt å gjere det når han stappar fingrane inni munnen min, og igår kveld hadde vi oss ei artig stund. Han starta med å stappe fingrane i munnen min, og eg bles og lata som eg smatta på fingrane hans, og han storskratta....vidare gjor eg det mot kinna hans, halsen og armholene og han lo så han rista heile guten....:) Og...når eg slutta, starta han på nytt, putta fingrane i munnen min og så ville han leike meir. Slik holdt vi på lenge. Artig at han forstår så mykje meir for kvar dag no.

Idag tok ned dette speilet som har hengt skeivt for eg lurte på å flytte spikrane for å rette det opp, men så fann eg ikkje rette redskapane....og så kom eg på at eg kunne legge gym-matta bortåt.....og her var ein som møtte seg sjølv i ....speilet...

Tur, fakkeltog og 7 mnd ;)

2010-01-21T22:44:00.005+01:00

Idag har det gått slag-i-slag...vi sov frampå til 10.00, og etter at Nicholas hadde fått mat, køyrde vi fram i bygda og slapp ut dei tre gule damene. Så møtte vi Cindy og Trym og trilla rundt vatnet. Kaldt, men deilig, og Nicholas låg godt og varmt nede i vogna, men for sikkerhets skuld la eg eit helseteppe over opninga slik at han skulle vere litt meir beskytta mot den kalde lufta her nede ved vatnet.

Til kvelden var det tid for å markere kva vi syns om at dei har planer om å legge ned akutt-funksjonen ved Volda Sjukehus. Altså....nåke så tullete! Det var stort oppmøte og eit flott fakkeltog. Mellom 3-og 4000 var det visst som gjekk....meir kan du lese på http://www.mre.no/

Nicholas er ein grei kar å ha med på ting....han sov jo heile vegen han. Eg gjekk ilag med mamma, pappa og Hanna. Mariell gjekk såklart ilag med veninner :)

Og sist men ikkje minst: PRINSEN VÅR FYLLER 7 MÅNADER IDAG!!!!!

I går var det den store besøksdagen....først kom Alise og vesle Endre på besøk...han er ganske nøyaktig ein mnd eldre enn Nicholas, og dei hadde det veldig kjekt ilag på sitt vis....

"Ikkje forstyrr leiken vår...."

Nicholas tek handa til Endre.....

Om kvelden var det Sissel som kom på besøk, og det var kjempekoselig, iallefall etter at Nicholas hadde gjort seg litt kostbar og vore litt mammadalt....noko nytt han har begynt med???

Da e vi berre 3...

2010-01-19T19:11:00.003+01:00

...Nicholas, Melissa og meg. Vi kjørte Jan Ove på bussen til Kristiansund, som gikk 15.50 frå Volda, og deretter kjørte vi ut til Cindy og Trym som bur uti Egsetsvingane. Vi trilla ut på Egset, opp i Liaskaret og ned til E39, kryssa den og trilla vidare utover mot Mork skule, snudde og tilbake til Cindy. Kjekt å treffe dei igjen sidan vi ikkje har sett dei sidan november, fordi dei har vore i Tyskland.
Det var tomt å kome heim til stilt hus, men to veker går jo fort. Heldigvis er eg ikkje husredd, og no blir det meir og meir selskap i Nicholas også. Skvatt litt her i stad når Nicholas sov og huset var HEILT STILT og det kom nokre rare pistrelydar frå ein eller annan plass....heilt til det demra for meg at det berre var MELISSA KATT som snorka....jada, ho snorkar verkeleg....rare katta. Men så er ho jo så god også....Framleis med snev av AD/HD, men det er jo berre sjarmerande.

Makramè-armband

2010-01-15T18:19:00.004+01:00

Etter å ha fått vårens PANDURO-katalog, fekk eg så lyst å lage slike makramè-armband, eller "Lykkearmband" som dei også kallast. Dei har visst vore populære lenge, så eg er litt treig med å følge moten, men men...

Planen var å handle på postordre, men sidan vi var i Ålesund igår, og der er ein super bokhandel på Amfi (Bok & Media) som har MASSE panduro og hobby-stuff, så handla eg litt der. Men der var ganske utplukka då, så eg kjøpte ikkje så mykje.

Dei gratis forklarings-hefta eg fekk var temmelig elendige, så eg knøda litt før eg fekk det til, men resultata vart BRA om eg skal seie det sjølv. Det største problemet var å få perlene inn på snora, både den tynne eg kjøpte ( 1 mm) og den tjukke (2 mm), men etter katalogen å dømme er det desse materiala som er brukt....Men med mykje smelting av trådendar med lighter, litt brende fingrar og mindre fine gloser, gjekk det :) Kanskje det berre er eg som ikkje har teknikken heilt i orden. Men ein ting er sikkert ; meir blir det handla, men på postordre. Enklare å få oversikta i katalogen enn i butikken....

Slik vart dei:

Endelig...

2010-01-13T00:04:00.007+01:00

...ny PC!!! Hoho...no slepp eg å sitte "på ank" for at pc'en skal slå seg av midt i blogginga, og eg slepp å holde skjermen med eine handa mens eg tastar med hi...(ikkje spør, men JA, den gamle maskina mi var blitt nokså herpa!)

Altså skal det no bli fart på blogginga igjen, føler det har vore eit tiltak utan tilgang på god pc. Denne har også minnekortlesar, så det blir litt snertnare å legge inn bilder :)

I det siste har det vore veldig kaldt, og lite artig å bu i gammalt hus...Vi må nok igang med SKIKKELEG isolering så snart det vårast. To gongar har vatnet frose, men vatn kan ein alltids få tak i. Det verste har vore den gjennomtrengande kulden, særleg med ein liten tass i hus. Heldigvis er soverommet greit isolert, og held varmen ved hjelp av panelovn. Stovene vert det også god temperatur i, men når temperaturen går lavare enn 10 minus, får varmepumpa problem, og det vert først varmt etter intensiv fyring i ovnen. Likevel kjenner ein trekken langs golvet, og det er kaldt i gangane....brrr!

Nicholas godt påkledd mens vi ventar på at det skal bli varmt i stova....

Ein morgon vi sto opp til 11 grader i stova, tok eg med meg Nicholas fram til foreldra mine. Då var det 17 minus ute og vanskeleg å få opp temperaturen nok til at eg ville ha Nicholas her.

Men no er heldigvis gradene på veg oppover, iallefall slik at det blir "levelig" for alle. Fanagenseren Nicholas fekk av mormora til jul er iallefall blitt godt brukt siste veka :)

Nicholas er begynt å ete middagsglas, og at han likar det er ikkje vanskeleg å sjå....det einaste problemet er at han alltid skal lage "bil-lydar" med munnen full av middag eller graut....ein sølete kombinasjon, men litt herlig også.....;p

Idag har eg bestilt enda ein ny sal....Domar-salen eg skreiv om passa nemleg ikkje Hermine. Kjempedumt sidan den såg kjempegod ut. Men no har eg bestilt ein Globus Crincle, samme merket som ein sprangsal eg prøvde på ho. Så BER OG HÅPER om at denne skal passe no då. Absolutt ikkje lett.

Kaldt men fint!

2010-01-06T23:23:00.002+01:00

Ja no er det skikkelig kaldt her! Men no når det enorme snøfallet har stoppa, og det er brøyta og fint rundt omkring, er det faktisk veldig fint ute. Einaste eg er dårleg på, er å huske på at bilen treng lang tiningstid...spesielt no når vi har diesel-vogn...Men ein venner seg til så mangt.

Ikveld har eg og Hermine hatt oss ein flott tur i gnistrande kulde og stjerneskinn. Skulle møte Beate/Eidina nede ved deira stall, og sida det er glatt på hovudvegen og dei fleste bilistane absolutt ikkje tek noko hensyn (og det er skiføre på skisenteret) ville eg helst ri ned markaveien, men så lurte eg litt på om det var mulig med all snøen (Jan Ove målte 1, 06 m ute på terrassa vår igår).
Men eg satsa på det var nokon som hadde rede der før....kanskje nokon med langbeint hest? Og jada...litt tungt var det nok for "Minis" men ho gjekk på med flott mot, og vi trava oss nedover mot Rotevatn.
Vi reid innover i Vassbotnen og halvvegs rundt vatnet. Då tok vi same vegen heim. Eg hadde to ulltrøyer, fleecegenser, stillongs, tjukk ridebukse og termodress, ullhals, sånn baclava-hue som ungane brukar, under hjelmen, tre par ullsokkar og....ja...så fraus gjorde eg egentlig ikkje anna enn periodevis med numne fingrar ( tynne hanskar) og naglebet på te'ne.
Vi tok skogsvegen oppatt også, og det gjekk i bånn gass i trav og galopp i den djupe snøen....HÆRLIG!
Vel heime fekk hestane høy og hett vatn...for å få litt varme i seg og for å unngå kolikk av å drikke isvatn.
TAKK FOR EIN KJEMPEFIN TUR HERMINE, BEATE OG EIDINA.

Reise

2010-01-06T16:26:00.009+01:00

Reise
reise
reise med en liten passasjer
følge tegn som ingen andre ser
være egen båt
frakte både jubel
og gråt

reise

reise lenger enn du hadde trodd

kjenne liv der ingen før hadde bodd
være en lugar
seile med et spørsmål
uten svar

reise
reise
reise langsmed dag og over natt
reisen er den lengste du har hatt
være eget fyr
blinke for et gammelt
eventyr

reise

reise
reise med en passasjer ombord
nynne på en sang av hav og jord
være solvarm strand
når en liten sjømann
går i land

(syns d va so fiiiint.....so koselig om å sette en liten til verden...og so vart d jo praktisk talt en liten sjømann også da....)

Jula 2009

2009-12-26T12:30:00.007+01:00

Ja så er vi midt oppi det....syns jula egentlig har vart lenge, sikkert fordi eg har gått heime midt oppi all pynten og styret i år.

Jan Ove kom heim lisje-julafta, og då pynta vi tre og gjorde siste innkjøpa, og elles berre kosa oss med tv, pizza og "ei kald ei " i sofaen.

Julafta var vi først ein tur i Vikebygda og åt julefrokost/lunsj. Så fekk eg gjort unna stallarbeidet, sidan Ingvild skulle fôre kvelds. Deretter for vi ut på Håskjold der vi åt middag og overnatta til 1. dag. Sidan vi var 13 stk der, er det vel ikkje så rart at pakke-seremonien tok uendeleg mange timar.....men mykje fint fekk vi :)

Av Nicholas fekk eg det eg hadde ønska meg- "englebarn-smykke". Så kan eg bære englebarnet mitt med meg kvar eg enn går. Syns dei smykka er så utruleg fine :) Mitt er med turkise steinar.

Av Jan Ove fekk eg den andre tingen eg ønska meg mest, Ilse Jacobsen-støvlar :) Treng slikt her på Vestlandet, og då kan ein like gjerne gjere det med STIL! Dvs. eg fekk gåvekort på dei, for det er visst veeeeldig mange fleire som har lyst på slike, så Femina i Ørsta var utsolgt. Men eg kan gjerne vente litt på noko godt....

Elles fekk eg skåler og glas i Rosendal-serien som eg samlar på, skeier i Nora hardangerbestikk som eg også samlar på, fleire koppar av ein sort eg samlar på, og mykje meir fint og nyttig.

Nicholas blir ikkje kle-laus med det første, iallefall ikkje når han når str 74....Kjempemasse tøft fekk han! Han fekk også ein del leiker, og spesial-designa sengesett med brodert navnet sitt på frå den nye butikken på Spinneriet. Takk til alle, både dei eg har nemnt og ikkje. Vi sette stor pris på alt vi har fått.

Jan Ove fekk Police-smykke med meg og ei bok om jakt frå Nicholas. Elles fekk han ein jaktkniv som han vart oppi skyene for, og mykje anna fint.

Igår kom vi heim til oss sjølve i 15-tida, og fekk pakka ut av bilen før det bar vidare på middag i Vikebygda.....men slik er det jo med jula. Veldig mykje familie-kos, og det er kjempekoseleg det, men også litt slitsomt. Så idag har vi ikkje gjort den ting....vertfall ikkje hittil. I skrivande stund ligg Nicholas og søv, og eg og Jan Ove sitt og tastar på kvar sin pc....

Skal fram i Vikebygda og fôre middag til dei tre gule damene litt seinare, men ellers ingen planer. Kanskje ein trilletur? Imorga skal vertfall eg og Merete på ridetur. Så slik går nok romjula, litt sosialt, litt aktivt og uendeleg mykje avslapping og kos.

Ønsker også alle andre som måtte dette innom bloggen min ei RIKTIG GOD ROMJUL :)

Eit sprøtt stunt rett før jul....

2009-12-23T12:40:00.004+01:00

Har lenge vore på utkikk etter ny sal til Hermine, då den ho har er for smal til henne, og for stor i setet til meg....såååå har sikla på denne ei stund, men har ikkje visst kva størrelse eg skulle bestille i bommen. Det vert sagt at Globus-salane og denne er nokså like, så då Ingvild lånte ein globus-sal i str 38, prøvde eg den på Hermine, og det verka som den skal passe bra. Kika på nettet etter brukte globus-salar, men det er ikkje mange å finne med SÅ brei bom...sååå i og med at Hermine no har vore i trening hos Ina Gjerland og fungerar så sinnsjukt bra, slo eg til og bestilte ny sal i og med at ho vil bli mykje brukt framover...Måtte trykke "bestill" med augene lukka FØR eg ombestemte meg...for 8800,- er litt mykje pengar å legge ut no midt i all julegalskapen. Men men. Ny sal måtte vi ha, så får vi berre vere blakke både hesten og eg....(haaahah...blaut spøk....) Har forresten ein Wintec Cair dressur med 4 bomjern til salgs for interesserte!

GOD JUL FOLKENS ;)

Litt advent og litt sånn.....

2009-12-13T22:55:00.006+01:00

Gud kor sløv eg har vore å skrive i det siste...men her kjem litt nytt frå oss på Rotset. Dagane fyk avgårde....Nicholas fyller eit halvt år om ei veke, og det er skremmande kor fort tida har gått. Han må vere verdens mest fornøyelige unge trur eg...."Pratar" og pludrar mykje, ler og smiler og viser med heile kroppen at livet er herleg, som berre eit lite barn kan vise det :) Godguten vår! Han søv heile natta og er elles så blid som dagen er lang :)

Nicholas i finstasen, klar for julebord 13.12.09

Julekrybba som Nicholas har fått med si snille farmor

Mariell hjalp meg å bake pepperkaker

Mmmmm....mange gode kaker

Elles kosar vi oss i julepynta hus, har baka alle TO sortane med småkaker (meir blir ikkje ete, so why bother???) og ventar på at papen ska koma heim te jul :) Han skal kome heim lisje-julafta, så vi krysser armar og bein og alt anna for at ikkje det kjem nokon hindringar i vegen.

Far og son i kjent stil ;p

Mamma sin vesle bade-engel :)

Har henta heimatt go-tobba mi Hermine. Meir om det i ein annan blogg.

Ein artig dag :)

2009-11-21T19:03:00.003+01:00

Idag har Nicholas vore i badebasseng for første gong. Eg og han var med systra mi og ungane på familiebading i varmtvannsbassenget og det likte han kjempegodt. Var litt usikker på om han var klar for det med tanke på at han var tidleg fødd (det vert jo sagt frå dei er 3 mnd gamle) men eg tenkte eg ville prøve. Det gikk kjempefint og vi kjem til å gjere det mange gongar framover.

Elles fyller godguten 5 mnd idag. HIPP HIPP HURRA! Tida går jammen så fort atte! Han har fått julegåve frå mams og paps litt på forskudd. Sida vi skal vere på Håskjold julafta, med 3 ungar til og sikkert eit tonn med pakkar, fann vi ut at den DIGRE pakken frå oss til Nicholas like gjerne kunne takast i bruk no, sidan 1) vi kjem ikkje til å ta den med dit på julafta likevel, 2) han merkar ikkje om han får den no istaden for på julafta, og 3) han har bruk for den frå no av. Jo, det er ein ny babygym :) Den han hadde var arvegods og lite stimulerande. Så no har han fått ein stor gym med mykje dill og til og med musikk. Og gjett om han er "vill i nikkersen" på den. Kjempestas. Snur seg no rundt frå mage til rygg og rygg til mage innimellom, trengs nok litt meir teknikk-trening ;) Men det kjem nok. Og han akar seg rundt på matta og dreg i leikene. Kjekt at alt går som det skal. Ein blid og triveleg gut. Søv heile natta no også....får håpe det varer :)

Eg har fått meg ein kjekk ridetur også idag, rundt vatnet ilag med Beate og Eidina. Kjekk du var, Stjerna mi :) Imorga skal eg besøke Hermine. Og no skal vi kose oss med god mat og laurdagskveld.

KJÆRE PAPPAEN MIN

2009-11-08T10:03:00.003+01:00

GRATULERER SÅ MASSE MED DIN FØRSTE FARSDAG!!DU ER DEN BESTE PAPPAEN I HEILE VERDEN! KOS DEG IDAG PÅ JOBBEN DIN UTE PÅ SJØEN. STOR KLEM FRA NICHOLAS

4 mnd`s kontroll idag :)

2009-11-02T22:24:00.003+01:00

Og Nicholas er no 5055 gram og 59 cm! Hurra for go`guten!

Etter å ha vore på helsestasjonen, møtte vi Sissel og var på Rokken og kjøpte middag...kjøpte ein slags pastasalat som var ganske god :) Det blei også litt butikk-kiking og innlevering av dåpsgåver til gravering, og bytting av nokre. Har vore ein trivelig dag, men no saknar vi papsen altså! Ei veke til han kjem heim <3

Det e svart november.....

2009-10-31T23:01:00.004+01:00

...Havet knuse mot strand

ein forliste drøm

fra et sommargrønt land.

Men eg huske endå

vakre Mary mcKear

longt vest i Tir n’a Noir

Va du drøm? Va du te?

Va du hud? Va du blo?

Eg kan hørra deg le.

Eg kan huska eg lo.

Bakom horisontar

Så forvitra og glir

E du mi,mi Mary McKear.

Når min rustne kropp går i bakkane tungt

hørr’ eg nåken hviska bakom vintrane ungt:

Kom tebake, venn, ifra kneiper og svir.

Kom igjen te Tir n’a Noir.

Kom te hud. Kom te sinn

ifra alt så e grått.

Eg ska stryka ditt kinn, gjørra blikket ditt blått.
For bak horisontarså forvitra og glir

e eg di, di Mary McKear.

Så når kvelden komme

og eg stilt går ombord,

og min livbåt blir låra

i seks fot med jord,

seil’ eg vest i havet

te Mary McKear

i det grønne Tir n’a Noir.

Te drøm og te kinn

og ein himmel av trøst

kor allting e sinn og eg hørre di røst:
Horisontar fins’kje.

Alt du tar på forblir,

eg e di , di Mary McKear

(Tir nà Noir, Vamp)

Fleire dåpsbilder

2009-10-29T21:51:00.014+01:00

Den deilige dåpsungen :)

Fadder Sissel og Nicholas

Dåpskaka

Fadder-familien Hoggen Gjærset

Foreldre og to av fadderane

Dåpsbarnet med oldefar

..og med mormor

Søstrene med kvar sin son

Søskenbarn Emilie Louise

Søskenbarna Anne Camilla og Cecilie Agnethe

Nicholas med farmor og farfar

..og ein stolt onkel og fadder, Tom Andrè

Dåpen, 25.10.09

2009-10-27T12:07:00.013+01:00

Dagen starta med klar himmel og sol! Kunne det bli betre? Vi sto opp i god tid (fikk jo sove ein time lenger også...perfekt). Mamsen dusja og så var det å putte dåpsbarnet i badekaret. Fadder og onkel, Tom Andè kom for å helse på Nicholas som han ikkje har sett på over 2 mnd.

Vi var dei første som kom til kyrkja av dåpsfølgja, og fekk kledd Nicholas i dåpskjolen. Det var også undehaldning av TenSing med rockeband og det heile under gudstenesta, så dei holdt på å øve mens vi gjorde oss klar. Veldig flinke, men syns det vart noko høg støy for dei tre dåpsborna.

Nicholas var som vanleg roleg og fornøgd under heile gudstenesta, sjølv då han fekk vatn på hovudet. Han var litt våken i benken etterpå, men var då opptatt med å kike på mine søljer. Det var ei stor ære å få bære sin førstefødde til dåpen :)

Resten av dagen var også kjempefin. Vi køyrde til Sæbø etter dåpen, og hadde både middag og kaffi der. Kjempefine lokale og staden er jo berre fantastisk idyllisk, men eg må innrømme at eg er svært skuffa over den servicen som sjølvaste dagleg leiar viste oss den dagen. Trass i det hadde vi det supert, og dagen gikk altfor fort.

Tusen takk for alle gåvene, og til alle som gjorde dagen til ei heilt spesiell oppleving.

To gode venner...

2009-10-20T11:09:00.002+02:00

Noko av det kjekkaste Melissa veit er når Nicholas ligg i vippestolen....då kan ho ligge på lur under og leike med alt som bevegar seg i stolen, både leiker og føter.....

Dåpskort

2009-10-20T11:00:00.005+02:00

Og så måtte mamsen scrappe dåpskort til vesle-gullet sitt

Bursdagskort

2009-10-19T21:56:00.006+02:00

Tantegullet Sander fyller 1 år på onsdag den 21.oktober (og Nicholas 4 mnd samme dag...litt morsomt).

Det var familieselskap for Sander no laurdag som var, sidan det var tilreisande og dermed måtte vere i helga, og fordi det er dåp neste helg så det kunne ikkje bli då.

Så då måtte tanta scrappe kort til godguten :)

Lefsebaking

2009-10-19T21:26:00.008+02:00

Idag har eg og mamma baka lefser til dåpen. Eg har ikkje vore med på det før, så det var kjekt å lære korleis det skulle gjerast. Gode "emne" er viktig!

Takk for ein koseleg dag, mamma!

Nydeleg haust-tur

2009-10-11T21:09:00.009+02:00

Endeleg to dagar på rad med opplett og SOL og blå himmel! Desse dagane har eg nytta til å få fylt opp lungene med frisk luft, og samtidig fått trimma både meg sjølv og den firbeinte eg har att på stallen. (Hermine er for tida hos Ina Gjerland og Atle Henden for trening, då eg innsåg at eg ikkje har nok kapasitet for den intensive treninga ho treng no. ) Så no får eg tid til å ri kun Stjerna ein periode, reknar med Hermine er tilbake om ein månad eller sånn. Igår var eg og Ingvild på tur med Stjerna og Mai oppover Markaveien. Eg trudde sjølvsagt at når det var opplett så var det også ok å ri utan overtrekksbukse, og med kun ein tynn Devold-genser under boblejakka....men der tok eg feil. Sidan vi reid nedi skogen og attmed elva vart det jo sjølvsagt kaldt...Vi vurderte å bytte da, Invild og eg...sidan ho hadde mykje klede og i tillegg gikk og holdt varmen av den grunn men det vart med tanken. Men det var jo absolutt ein fin tur. Idag visste eg betre, og hadde varme, gode klede. Vi var ein heil flokk på tur. Eg reid Stjerna, Ingvild taumkjørte Mai, og så var foreldra til Ingvild med og gikk tur ilag med. Stjerna var heilt super idag. Det var den RETTE dagen idag, for å seie det sånn. Stjerna er nemlig litt rar, og eg har sjølv gitt ho diagnosen schizofren. Ho er ein fantastisk fin hest dei dagane ho er som idag, roleg og avbalansert, mens ho neste dag kan vere overnervøs for ALT og berre tulle. Eg finn liksom ikkje nokon samanheng heller, det er ingen forskjell på om ho blir ofte eller sjeldan brukt, om det er fint eller dårleg vêr eller noko anna...Men men. Eg har lært meg å leve med at ho er slik, og for meg er ho "go'tobba" uansett. Det er berre litt vanskeleg å få andre til å ri ho, derfor håpar eg no at Hermine blir slik at andre kan avlaste litt av og til. Vil jo ikkje selge nokon av dei...

E no gla i dissa to lo-dottane mine :)

Nicholas...

2009-10-11T20:09:00.007+02:00

...er blitt 3, 5 mnd gammal, og er no 4500 gram og 55 cm! Fortsatt flink å ete, og ein kjempekjekke gut :)

Det nærmar seg dåp no, to veker att. Men me stressa ikkje nåke, sida me ska ha alt ute blir det mindre å gjer for oss. Kakebakarane har stått i kø, så det blir ikkje så mykje eg trenge å bake sjølv, men litt må eg no bidra med...som f.eks blåbærpai...mmmmmmmmm... Og så har eg laga bordkort, og skal dekorere nokre lys og lage litt koselig på borda. Bilder kjem når det heile er overstått, kan ikkje røpe noko her ;p

Melissa Katt

2009-09-23T21:49:00.005+02:00

Melissa då vi fekk henne

Syns nesten Melissa må få sin eigen etikett....Den vesle kattungen som kom til oss ei veke før Nicholas kom til verda og måtte bu ein mnd i "fosterheim" med foreldra mine i Vikebygda. Ikkje verst det når ho fikk eiga kjellar-leilighet :)

Melissa si mamma er halvt perser, og ho har derfor veldig flott og "fluffy" pels. Får Royal Canin fôr for å holde den ekstra fin.

Ho har absolutt ei artig personlegheit....kosete som berre det, begynner å male berre ein snakkar til ho, og ho svarar tilbake også :)

Når ho er ute og finn ut at ho vil inn, gidd ho ikkje å sitje og mjaue utfor døra...nei ho hoppar like gjerne opp og henger seg fast på lista under vinduet på terrassedøra....der heng ho og kikar inn til nokon ser ho (eller høyrer krafsinga når ho heng der og dinglar...)

Her ein kveld eg kom heim litt seint, fann eg ho ikkje igjen. Ho ligg inne enda sidan ho er så lita, men den kvelden måtte eg berre gi opp å finne henne. Eg ropte på ho kvar gong eg var oppe med Nicholas iløpet av natta, men ingen katt var å finne...MEN dagen etter når eg sto og prata med naboen, fekk ho auge på katten: vandrande rundt på dash-bordet i bilen. Ho hadde altså sneke seg inn i bilen mens eg tok ut Nicholas kvelden før, og der hadde eg stengt ho inne...heldigvis hadde ho ikkje gjort frå seg! Etter den episoden skulle ein tru ho hadde lært, men neida. Ho er berre blitt enda meir bitt av basillen. Alle som er her med bil må sjekke bilen før dei køyrer herifrå, det er nære på ho har blitt med heim (også dei som har STOR hund i bilen)...og når Jan Ove sota vindu på jeepen, låg katten i baksetet med beina i været og sov...

Her les ho "Møre"

Av andre ting ho har funne på er bl.a. å legge seg til å sove INNI ein plastpose. Og fleire rare påfunn blir det nok :)

Endelig oppdatering...

2009-09-23T21:06:00.009+02:00

Beklager, men det har vore lite aktivitet her i det siste. Sjølv om den lille, skjønne bebisen for det meste er snill og grei, så er det ikkje mykje tid til å setje seg ned med slikt...
Men eg kosar meg med å vere mamma, og følge framskritta han gjer dag for dag.

Nicholas er no 3 mnd gammal! Idag har han vore veldig "pratsom", fekta med arma og bein og laga mange ulike lydar, som for å fortelje noko....Han har også holdt ei rangle heilt aleine idag. Flink gut. Eigentleg skal ein rekne at han er 3 mnd minus dei 7 vekene han var for tidleg, men eg syns han ligg godt i rute utviklingsmessig likevel. Han er begynt å bli "tjukk" og rund....4025 gram og 53 cm på kontroll forrige mandag. Det er komt godt "rukker" på armane og beina, og han har fått ein fin liten pondus-mage :)

Dagane går veldig fort...Vi har stort sett hatt avtalar kvar dag sidan Jan Ove reiste for ei veke sidan, så idag var det godt å berre slappe av og ikkje ha noko vi skulle rekke.
Hausten er over oss for fullt...har vel eigentleg vore det lenge, men no ER det haust! Men ganske koseleg også å sitje inne å høyre kor vinden ruskar rundt hus-nova, og regnet trommar på taket. Koselege mate-stunder inatt, der eg og Nicholas sat i senga og høyrde på ruskevêret...

Likevel håper vi på litt god-vêr snart så ein får nyte dei fine haustfargane skikkeleg!

"Den rareste flokken EG har sett...."

2009-08-27T18:32:00.006+02:00

Koseleg tur forrige søndag....Meg til hest på Stjerna, Ingvild som tømmekjøre Mai, mor til Ingvild, Sonja som er med som fotograf og Marianne som har med hunden (ponnien???) Alan. Og som den godaste Sid sa i "Istid"..."Det hær e den rareste flokken EG har sett"...hihi...

Fantastiske Hermine!

2009-08-21T17:58:00.004+02:00

Idag har eg hatt ein fantastisk tur med "lisje-tobba" mi, 4 år gamle Hermine. Eg fekk ho innkjørt til utstillinga i fjor haust, og reid ho også utover hausten 08, men pga mitt svangerskap og dårleg kjemi med ein annan rytter, vart ho ståande utan å bli brukt. Vogn har ho ikkje hatt sidan jul, så eg har valt å ta starten litt forsiktig.

Derfor vart det tømmekjøring som sto på programmet idag. Vi for på tur ilag med Ingvild og 2 års merra hennar, Edel Mai. Eg var litt spent, for bortsett frå ein liten ridetur forrige veke, har eg ikkje hatt Hermine på tur på mange månader. Eg følte derfor ikkje at eg var heilt sikker på korleis ho ville reagere på ulike ting, så eg skal innrømme at eg var noko skit-nervøs der eg tassa etter merra nedover skogsveien.

Eg har dårlege erfaringar frå tidlegare med kombinasjonen hest/tunge køyretøy....Hermine har vore nokonlunde trygg på sånt før, men sidan ho har vore utan trafikk-stimuli siste 8 mnd, var eg litt skeptisk då vi etter kort tid møtte ein stor traktor med hengar....Ein litt usikker hest, litt hopp og sprett, men så roa ho seg fint. Fliiiink! Vi tassa vidare nedover Vassbotnen, og det var ikkje måte på til utfordringar som møtte oss...lastebil som tippa lass, gravemaskiner, enda ein traktor med hengar osb. Og alt gjekk såååå fint! Kjempeflinke hestar gjorde også oss tobeinte rolege, og vi fekk ein kjempefin tur, bortsett frå kraftig regnvêr, som ikkje er så kult utan regnkle. Men det gjorde absolutt ingenting. No veit eg at Hermine er den gode, trygge merra eg "sette frå meg", og eg gler meg til å jobbe med henne utover hausten. Det blir nok ikkje lenge før vi tek sjansen på vogn igjen også.

Gullguten er 2 mnd gammal idag!

2009-08-21T12:18:00.005+02:00

Nicholas...

2009-08-18T21:07:00.004+02:00

...har vore på kontroll idag...og måle no

3260 gram

50 cm

Ein koseleg sang...

2009-08-18T20:55:00.004+02:00

Jeg vil bygge meg en gård

med en hage utenfor.

Eng og åker må der være,

lam og sauer bak et gjerde,

og så bygger jeg til sist,

rødmalt hus med trapp og kvist.

----

Fjøset skal stå like ved.

Der skal være plass til tre

brune kuer som jeg steller

alle morgener og kvelder.

Og i stallen står en hest

som jeg liker aller best.

----

Gjess og høns og gris er bra.

Og et stabbur vil jeg ha.

Der skal stå i lange rekker

fulle tønner, tunge sekker.

Også trenger jeg en pus

som kan fange stabbursmus.

----

Tett ved sjøen vil jeg bo.

Og om kvelden skal jeg ro

ut og se til garn og ruse

for å skaffe mat til huset.

Og så ror jeg hjem til mor,

for hun bor jo der jeg bor

Nicholas 7 veker gammal

2009-08-09T19:45:00.007+02:00

Nicholas får vitamin-sprøyte av mormor

Nicholas og tante Hanne-Marit

Liiiitt søvnig?

Tre gule damer...

2009-07-22T16:42:00.003+02:00

Edel Mai (eigd av Ingvild R. Hansen), Håskjold Stjerna og Hoggens Hermine (mine to goll) kosar seg på beite.

Endelig heime!

2009-07-20T11:01:00.008+02:00

På laurdag 18.juli var endelig dagen komt for at Nicholas vart utskreven frå Neonatal intensiv i Ålesund :) Det gikk veldig fort framover siste veka, så heimreisa kom som "julafta på kjerringa"...hehe...men ååååååå kor klar vi var for å ta med oss skatten heim! Siste natta før vi reiste heim fekk vi ha han på hybelen hos oss ved sjukehuset. Det gikk kjempefint, og det har dei to døgna heime gjort også. Han seier frå når han er svolten eller har mageknip, elles er han ein rolig og snill liten gut. Håper det varer...

På veg heim

Då vi kom til Volda, var vi først innom Håskjold....der var det mange som ville helse på Nicholas. Farmor, farfar, onkel Geir og tante Linn, onkel Øyvind, onkel Cato og tante Anette og søskenbarna Cecilie, Anne-Camilla og Emilie. Og då vi svinga inn på tunet hadde søskenbarna Mariell, Hanna, Sander, tante Hanne-Marit, onkel Ole og mormor laga overraskelses-velkomst og gøymt seg på terrassen vår. Dei hadde med kanelbollar, vafler og anna godis og var kjempespent på å sjå Nicholas. Berre mormor og tante hadde sett han på sjukehuset.

Hanna med Sander og Mariell med Nicholas. Det er på dagen 8 mnd mellom gutane ;)

Mariell og Nicholas Hanna og Nicholas

'Bilder av Nicholas

2009-07-10T21:36:00.012+02:00

Nicholas får pustehjelp med cpap dei første timane etter keisersnittet

I kuvøsa med sensorar som målar puls, oksygenmetning o.l.

Stolt pappa, Jan Ove

Og stolt mamma

Matestund

Nicholas sitt første bad, 30.06.09

På stellebordet, 10.07.09

...og trygt på pappas fang, 10.07.09

Stor gut, 2010 gram 10.07.09

Nicholas er fødd!!!

2009-07-06T22:18:00.005+02:00

Vesle gullet vårt, Nicholas, kom til verda 21.06.09 kl 21.09 og målte 1740 gram og 40 cm. Hovudomkrets var 29.5 cm.

Ting skjedde igrunnen veldig fort....og kort fortalt fekk eg ein tilstand av svangerskapsforgiftning som kallast help syndrom. Nicholas hadde det fint i magen, men det var visst verre med min tilstand. Etter den helga eg var innlagt i Volda, og dei ikkje fann anna enn høgt blodtrykk, vart eg sendt heim og tok det med ro heile veka. Var på kontroll på helsestasjonen fredagen etter, og vart sendt på sjukehuset pga at ho fann fleire teikn på svangerskapsforgiftning. Men eg vart ikkje innlagt, og skulle på ny kontroll mandagen. Hadde kjent på litt vage smerter øverst i magen heile veka, noko som er eit alvorlig teikn, men eg trudde det berre var luftsmerter eller babyen som klemte på eitkvart. Natt til søndag og utover søndagen var smertene i magen så ille at eg tok kontakt med føden, og vart umiddelbart sendt til Ålesund med ambulanse. Mamma og pappa kom etter, for stakkars Jan Ove var reist til Hardanger i bryllup. På noverande tidspunkt i historia var han derimot på vei til Flesland med båt for å ta fly til Vigra....

I Ålesund såg det lenge ut til at eg berre skulle leggast inn til observasjon, for babyen hadde det berre fint. Men akkurat då mamma og pappa skulle til å køyre innatt, kom legen stormande inn på rommet og erklærte at det vart keisersnitt om 25 min!!!! Eg hadde då faretruande høge leververdiar og noko med blodplatene og noko styr....innvikla. Så då kom altså min lille prins til verda, 7 veker før tida.

Men han pusta sjølv nesten frå starten , og har vore stabil sidan. Ein skikkelig liten tøffing. Som berre må bli større og lære å ete sjølv før vi får reise heim.

Han gikk frå fødselsvekta 1740 og ned til 1620, og er no oppe i 1850 gram etter to veker. Så her går det unna.

HAN ER DET BESTE SOM HAR SKJEDD OSS :) ELSKAR DEG NICHOLAS :)

(skal legge inn fleire bilete seinare)

Hei Mamma!

2009-06-17T12:01:00.003+02:00

"Hei mamma... Ville bare si at jeg er her. Kjenner du at jeg sparker litt i deg? Håper det ikke gjør vondt, jeg vil bare gi beskjed om at alt er bra her inne... Av og til glemmer jeg meg, å sparker deg kanskje ikke på en stund. Da er det bra at du dytter litt i meg så jeg får si ifra at alt er fint. Jeg skal ikke sparke deg mer når jeg kommer ut, mamma, jeg lover

Unnskyld for at jeg gjorde sånn at du ble kvalm, mamma... Jeg gjorde det ikke med vilje... Skulle ønske jeg kunne trøstet deg når du kastet opp og var dårlig. Jeg er glad for at det endelig er over. Jeg er også lei meg for at bekkenet ditt gjør vondt, mamma...men jeg må jo ut, og det er ikke plass til at jeg skal komme meg gjennom. Jeg syns det er dumt at du blir trøtt og sliten av å ha meg inni magen, men jeg har ikke så mye energi, mamma, så da må jeg låne litt av din, og det er ganske slitsomt å bli til en baby skal jeg si deg.

Jeg tror jeg får den beste mammaen i hele verden... En mamma som går gjennom 9 måneder med vondter bare for min skyld. Og som i tillegg sier at hun gleder seg så masse. For jeg har hørt at du og pappa snakker om meg, og at dere allerede er glad i meg og gleder dere til å treffe meg.

Jeg er så glad for at du har pappa... Snille pappaen min som trøster deg når du gråter uten å helt vite hvorfor. Hjelper det viss jeg kiler deg litt?? Blir du glad da? For jeg hører at du plutselig begynner å le litt når jeg beveger meg... Vi må være flinke å hjelpe hverandre gjennom fødselen,for jeg tror det kommer til å være ganske vondt for begge. Men så når vi får se hverandre å ligge tett inntil hverandre så blir alt bare bra!

Alt vi har å se frem til du og jeg, mamma"

Tvinga til sofalivet.............

2009-06-17T11:24:00.003+02:00

Jepp! No er morro'a over....og eg har ordre om å ta det HEEEEILT med ro...ligge mest mulig på sofaen og sjå minst mulig på tv/data og sånne ting som gir haudeverk...Men ka gjer eg ikkje for den lille gulle i magen? Gikk heile forrige veke og var hoven i ansikt, føter og hender....men dette skal jo vere normalt i eit svangerskap, men så var eg til jordmor fredag, og ho fann litt protein i urinen og forhøya blodtrykk. Ho ringde føden, men dei sa at det sikkert holdt at eg kom inn til kontroll mandagsmorgen. Men utpå laurdagen følte eg det vart verre, så ringde føden for å få målt blodtrykket----og enda som innlagt! Samla urin, vart tatt blodprøver av og målt blodtrykk og babyaktivitet jevnlig, men etter to døgn var konklusjonen at JA, blodtrykket er høgt, men det er einaste funn. Så eg fikk lov å reise heim på dei premissar som eg nemnde over, fullstendig ro og beskjed om å ringe så snart eg følte meg verre. No har eg ordinær time på helsestasjonen på fredag, som eg kjem til å ta, sjølv om eg skal på kontroll på sjukehuset på mandag igjen. Betryggande å bli følgt opp så tett da, men kjedelig å berre ligge her :( Men må jo det, så det ikkje utviklar seg til svangerskapsforgiftning....

Så Jan Ove får reise til Hardanger aleine i helga (dvs heile familien hans skal jo då). Han har ikkje lyst å reise frå oss, men eg syns han skal gjere det sidan det er bryllupet til ein bror han sjeldan ser. Eg flyttar fram til foreldra mine mens han er vekke, og dei to neste vekene når han reiser på jobb. Får ikkje og vil ikkje vere aleine, og mamma og pappa er jo ekspertar på evt svangerskapsforgiftning sidan dei har opplevd det 3 gongar....så føler meg trygg der. Får ta med min nye KATTEPUS som kom i hus i forgårs.
Vesle ulldotten Melissa! Heilt vanvittig skjønn og like rabiat :):):) Men det skal ein liten pus på 9 veker vere. Heilt utrulig kor fort ho har funne seg til rette her hos oss. Håper det går like fint når babyen kjem, men det trur eg skal gå heilt fint når ho blir vant med ungen frå ho er lita.

Melissa i hola si....

Her er bilde av vogna. Endeleg er den i hus etter lang bestillingstid!

Begynne å få ting i hus...:)

2009-06-04T21:47:00.009+02:00

Ja so blei ej also 100% sjukmeld....litt rart men også deilig. No fe ej tatt unna litt heime og ordna diverse ærend, uten å bli heilt utslitt. Jan Ove he også fått tilbake arbeidslysta og he tatt opp att oppussings-prosjekt i huset. Godt å bli ferdi me en del før her kjem en liten en i hus... Idag he me vore å henta ei sprinkelseng og ei korg/vogge som vi he kjøpt me ei veninne av systra mi.

Senga va veldig lite brukt, og vogga ingenting brukt so trur vi he gjort et godt kjøp og skal bli fornøgde. Vogga skal stå i stova. Syns berre den va heilt aldeles nyyydelig ej....

Elles nærma det sej at me ska på en liten ferietur, bryllup i Hardanger. Gle mej te å kome mej litt på tur...og når vi kjem heim skal vi hente nye-pusen. Savna fremdeles Sara ufattelig mykje, men ho kjem jo aldri tilbake uansett, so då blir det koselig å få sej en ny pelsdott å kose med.

Ej passa nabokattane for nokre helge sida, mora og to skjønne pusebebisa....sjå her kor skjønne!!

KVIL I FRED, SARA-PUSEN MIN!

2009-05-10T18:37:00.003+02:00

Ej he mista min beste pusevenn gjennom tidene, Sara-pusen min....Ikkje nok me at ho e sårt sakna, men tanken på at ho døde på en grusomme måte e absolutt d verste. Ho he aldri vore vekke en dag før, so ej begynte å bli bekymra fredag når ho ikkje ha vist sej på heile dagen. Laurdag va ho heller ikkje å sjå, men då snakka vi me naboen, som sa at han ha hørt nåke mjauing nedi skogen nedom oss kvelden før når han kom frå jobb...han visste ikkje då at ho va sakna. So når me hørte d igår ettermiddag gikk me ned å leita....og fann ne til slutt-innvasa i piggtråd! He sikkert kava og hatt d so utruli låkt, lisje pusen min før ho måtte gi opp. D e so grusomt. Og å vite at ho he leie å "ropt" so nær mej uten at ej he hørt ne....he regna og blese sånn siste døgna atte...men ekje sikkert ej kunna redda ne unasett. E no gla me fann ne då so veit ej iallefall....slepp å gå å vente på ne (sjøl om ej ubevisst gjer d...)

Mange vil vel sei at "d e no berre en katt", men for mej va ho so mykje meir. Ho "prata" tilbake når en prata til ho, og ho he alltid vore her (siste 4 åra)....So her e utruli tomt etter ne. Men d aller aller aller verste e måten d skjedde på! So totalt unødvendig! He lyst å anmelde det, me he bilder frå då me fann ne so ej håpe Jan Ove fær ned på politiet med imorga...for PIGGTRÅD E FORBUDT!!!

KVIL I FRED PUSEN MIN! INGEN KAN ERSTATTE DEJ....

Familiebilen e på plass :)

2009-04-30T22:33:00.003+02:00

Dette gliset vart henta i Molde igår :) Gjett om vi er kjempefornøgde!